بيكهام دابا عندو فرقتو ديال الكورة الخاصة, وكتلعب ف الدوري الاحترافي

وباغي ينافس عالميا!


ف الوقت اللي اللاعبين المغاربة كيمشيو للخليج باش يظمنو مستقبلهم المالي ومن بعد يديروا قهاوي ديال الشيشة ف مدنهم, النجم الانجليزي ديفيد بيكام كيستثمر ف الكورة من بعد مسيرة كروية ناجحة بكل المقاييس.

النجم السابق ديال مانشستر يونايتد, ريال مدريد, و LA Galaxy أعلن البارح ف مدينة ميامي الامريكية على انظمام فرقتو الجديدة لبطولة Major League Soccer.

الـ MLS هو الدوري الاحترافي ديال الكورة ف أمريكا وكندا. دوري احترافي كيتشاركوا فيها 2 دول. هاد الشي جاري بيه العمل ف الرياضة ف أمريكا الشمالية عكس أوروبا. الـ MLS فيه حاليا 23 فرقة كتتنافس بيناتها. الانظمام للدوري مختلف شوية على الكورة ف أوروبا والمغرب. النظام الكروي الامريكي فشكل.

الاعلان عن الفريق تعطل 4 سنين عن المتوقع, بسبب مشاكل حول فين غادي يكون يتم بناء ملعب الفريق الجديد. المستثمرين لقاو مشاكل ف شراء البقعة الارضية فين غادي يبنيو الملعب. العنوان ديال الملعب تغير عدة مرات, قبل ما يتسوا المشكل ف 2015.

ديفيد بيكام, 42 سنة, ماشي المالك الوحيد للفريق, معاه 5 مستثمرين أخرين. من بينهم الماندجر ديال Spice Girls.

الفرقة الجديدة سميتها Futbol Miami. غادي تبدا تلعب حتا لعام 2020. بيكام باغي يجرب نفس فلسفة Class of ’92 ديال مانستشر يونايتد اللي بيكام كان من نتائجها. يكوّن لاعبين محليين ف أكاديمية الفرقة بدل الاعتماد على لاعبين محترفين اجانب.

الاستثمار ف تكوين فرقة ديال الكورة ف ميامي كتلعب ف الـ MLS كان من بين أحلام بيكام ملي تحول عام 2007 للدوري الامريكي من ريال مدريد. رغم أن الـ MLS كان مازال غير احترافي بحال أوروبا داك الوقت.

اللوغو ديال الفرقة ولا هويتها البصرية ما تمش الاعلان عليهم خلال الندوة الصحفية. لكن من المتوقع يتم الاعلان عليهم قريبا مع بدأ الاكاديمية ف العمل.

 

من هنا لنهار تبدا فرقة بيكام تلعب, نتمناو شي لاعب مغربي عندو الفلوس حتا هو يدير فرقة ديال الكورة ف المغرب ويوفر للدراري الصغار الفرصة يمارسوا هوايتهم, بدل الاستثمار ف قهاوي الشيشة!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…