5 حوايج ما يعرفوها غير اللي عندهم اللحية

5. من بعد الحسانة كتجرح وجهك بضفارك


اللحية من الحوايج المهمة والمصيرية ف حياة اي شاب. داك الاشهر الاولى ملي كتبدا تنوض لك ف الليسي لا تنسى صراحة. كتكون خليط من الفخر ومن الـ Awkwardness من بعد أول حسانة. فجأة كتولي راجل وما كتبقاش مجرد مراهق.

للأسف ماشي كلشي كتنوض ليه لحية كاملة. بزاف وجههم فيه كمشة ديال الزغب (Hello Chekhsar!).

ف العشرينات كيبان لك واش اللحية كتجي معاك ولا لا. ايلا جات معاك كتحاول تكبرها وتربيها وتعتني بيها بحال شي نجم هوليودي. ايلا كنتي من هاد الناس المحظوظين, هذي مجموعة حوايج غادي تكون طحتي فيها and can relate:

1. كتبان كبر من سنك

اللحية كتبينك كبر. كتولي تبان انسان بعقلو وكتزيد سنوات ف عمرك. الامر يمكن يكون ايجابي ويمكن يكون سلبي. حسب الموقف وحسب نتا شنو بغيتي.

اللحية كذلك كتزيد ف الجمال والهيبة ديالك ايلا كانت مناسبة لوجهك. سو تهلا فيها.

2. الدراري الصغار كيعطولك عمو

كلنا طحنا ف داك الموقف اللي شي دري برهوش كيعيطلك عمو. ما كنقصدش طفل صغير كيقول لاي واحد كبر منو عمو, بل مراهق عارف يفرق.

هاد الاحساس كيخليك تعاود التفكير ف الحياة من جديد. كتعرف راسك ما بقيتيش برهوش ووليتي راجل.

3. الما كيبقا مخبي ف اللحية ملي كتغسل وجهك

من المشاكل هي ملي كتغسل وجهك ف الصباح وكيبقا الما مخبي ف الليحة وخاصك تدير مجهود مضاعف بالفوطة باش تحيدو. بلا لحية هاد المشكل ما كاينش.

4. ملي كتحسن كتكره راسك قدام المراية

من بعد أشهر باللحية, ملي كتحسنها كتحس فجأة بالحقد وبالكره لراسك. داك الهيبة اللي ولفتي عليها فجأة كتمشي. الوقفة قدام المراية الصباح اللي من بعد أصعب حاجة ف الكون.

5. من بعد الحسانة كتجرح وجهك بضفارك

هذا أسوء موقف كيوقع. ملي كتكون باللحية كتولف تحك وجهك بطريقة معينة. اللحية كتقلل من شدة الاحتكاك.

من بعدما كتحسنها كتحك وجهك بنفس القوة, عقلك كيتوقع ان اللحية غادي تخفف الاحتكاك, النتيجة كتجرح وجهك بطريقة بشعة, والالم كيكون لا يقل بشاعة عن احساس تضرب صبع رجلك الصغير بالسداري.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: ليستة 📋

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…