هذي أكثر Emojis إستعمالا ف الانترنت على الاطلاق!

😂😂😂


الـ Emojis هوما اللي كيعطيو هوية واحساس لهضرتنا ف الشات. بلا بيهم هضرتنا غادي تكون مملة بحال الروبوتات ما فيها حتا احساس ولا نبرة, وتقدر تسبب لنا سوء تفاهمات حنا ف غنى عنها.

الايموجيز أول مرة غادي يبانوا ف اليابان. وي اليابان ماشي الميريكان, وهذاك علاش سميتهم Emoji. تعبير ياباني كيعني التصاور.

عام 1999 –قبل ما يبان السمارتفون الحديث– ماركة ديال تلفونات محلية (NTT DoCoMo) زادتهم ف تلفوناتها باش تقدر تستعملهم ف الميساجات. الفكرة كانت ديال Shigetaka Kurita, الاب الروحي ديال الايموجيز واللي كان خدام ف الشركة, ما بغاش ميساجات أحوال الطقس تجيه فقط نص. بغا –مثلا ايلا كان الطقس مشمس, يكون شكل الشمس حدا النص.

كانوا بساط بزاف بحال التكنولوجيا داك الوقت. لكن لقاو لقاو نجاح كبير وتحولوا لظاهرة تقافية, اللي انتقلت من بعد للميريكان بسرعة البرق.

اليوم الـ Emojis كاينين ف جميع انظمة التشغيل ديال الاجهزة الالكترونية. ولاو جزء لا يتجزء من التقافة البشرية الحديثة. كيتم استعمالهم أحيانا حتا ف المطبوعات الورقية بهدف التقرب من الشباب اللي حياتهم كلها أونلاين.

الايموجيز كيتم استعمال الملايير منهم كل ساعة. هاد اللحظة كيتم ارسال واستقبال الملايين حول العالم.

للأسف ما كاينش emoji tracker للايموجيز المستخدمة ف الـ Messenger نظرا لان المحادثات كتكون سرية بين 2 ديال الناس.  التراكر –اللي كيقوم بحساب الاستعمالات– ما غاديش يقدر يحسب بدقة. حتا الفيسبوك ما عاطيش إحصائيات لحد الان لأكثر الايموجيز استعمالا ف الـ App ديالو.

ف المقابل, تويتر فيه كلشي Public, لذلك كاين Tracker كيحسب عدد الايموجيز بشكل يومي و in realtime. دقيقة دقيقة, تانية تانية. كيعطينا فكرة تقريبية على أكثر الايموجيز استعمالا ف العالم.

السيت ديفلوباه الامريكي Matthew Rothenberg, اللي سبقلو كان خدام Head of Product ف Flickr, وموراها Bitly. قبل ما يتفرغ للاعمال الفنية ديالو.

الموقع كيتراكي الـ Unicode ديال الايموجي ف بوستات تويتر in realtime وكيحسب العدد ديال الاستعمالات من نهار بدا السيت.

كتكليكي على الايموجي كيعطيك الـ Live Tweets, باش تشوف التويتات اللي فيها الايموجي ف الحين.

لحدود الساعة الايموجي الاكثر استعمالا ف تويتر (وحتا ف باقي مواقع التواصل الاجتماعي) هو 😂 (الضحكة بالدموع), كيتبعو  ❤ (القلب), وموراهم 😍 (الابتسامة بقلب ف العينين). الـ 3 ايموجيز اللي عزيزة علينا.

باقي اللائحة فيها اختلاف بين المواقع والـ Apps. كل موقع و App –وأحيانا حتا المناطق, عندو ترتيب ديالو.

أما ف الفيسبوك فقط, زكربرك العام اللي فات نشر infographic فيه أكثر الايموجيز استعمالا ف الموقع. الترتيب مختلف شوية على تويتر وباقي المواقع, وحتا بين الدول.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…