قريبا قانون يجرم الـ Fake News ف الويب المغربي

وي, ولينا بحال الميريكان عندنا الـ Fake News


قبل 3 سنين حتا واحد ما كان غادي يفهم شنو المقصود بالضبط بتعبير الـ Fake News. لكن مع الانتخابات الرئاسية الامريكية الاخيرة العالم كامل عرف شنو هي الـفايك نيوز. الرئيس الامريكي دونالد ترامب خلى التعبير Trending فالعالم كامل.

الفايك نيوز لعبت دور كبير ف الانتخابات الرئاسية ف أمريكا. نقدرو نمشيو بعيد ونقولو أنها كانت من الحوايج اللي حددوا شكون غادي يربح. الحملة الانتخابية كانت شرسة بين المرشحين والاخبار المضللة كانت بزاف ومؤثرة.

الاخبار الزائفة –كيفما كيترجموها بالعربية– هي ببساطة كل خبر مضلل غير حقيقي الهدف منو التشويش على الرأي العام, أو فقط من أجل الربح. غالبا كيكون مبالغ فيه وموضوعو شخصية ول احدث مشهور داير البوز.

ف المغرب مفهوم الفايك نيوز ماسبقلوش كان موضوع نقاش. ربما لأن صحاقتنا كلها Fake News واللي ماشي فايك نيوز هو اللي ماشي عادي. لكن قريبا الامور غادي تتغير.

حسب ما دكرت جريدة هسبرس من مصادرها, حكومة سعد الدين العثماني ما بقاتش عاجباها المقالات المضللة –واخا روطار بزاف– ف الصوشل ميديا المغربية وناوية توقفها.

الحكومة خدامة على اللمسات الاخيرة من مشروع قانون كيجرم نشر الـ Fake News ف الصحافة الالكترونية والورقية, أيام قليلة فقط من بعد المصادقة على تعيل قانون رقم 71.17, اللي كيهم الصحافة والنشر. قانون جديد خاص بالفايك نيوز, الامر يبدو عاجل عند الحكومة.

حسب المسودة الاولى, اللي قرات هسبرس محتواها, غادي تكون عقوبات جزرية لأي واحد قام بنشر أخبار زائفة هدفها الابتزاز, لكن ما دكرتش تفاصيل هاد العقوبات.

ف الواقع, الصوشل ميديا المغربية عامرة مقالات مضللة وكاذبة من مواقع مشبوهة هدفها الربح السريع. التدخل أصبح ضرورة رغم إيماننا بحربة التعبير والفكر. لكن القانون الجديدة ما كاين حتا ضمانة أنه ما غاديش يتم استعمالو ف متابعة المواقع والاصوات اللي عندها رأي مخالف للرأي اللي باغية الحكومة.

 

شنو رأيك؟ محتاجين قانون لمحاربة الفايك نيوز ف المغرب؟ ما كتشوفش انه غادي يتم استعمالو ف متابعة الاصوات المعارضة؟ خلي لنا تعليق!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: واضفاك؟

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…