توحشتي أيام الـ Game Boy؟ الـ console غادي يرجع قريبا للبيع!

غادي تعاود تعيش نفس التجربة!


بلا شك من أكثر الاجهزة إيقونية ف عالم الـ Video games على الاطلاق. الـ Game Boy صدر أول مرة عام نهار 21 أبريل 1989 من طرف شركة Nintendo اليابانية. 29 سنة دازت والـ console مازال عندو ملايين العشاق حول العالم.

ماكاينش اللي ما لعبش ولا ما حتكش بهاد الجهاز الاسطوري ف التسعينات وبداية الالفينات. ايلا حتا نتا من الناس اللي عندهم دكريات زوينة مع لعبة Super Mario Land والموسيقى ديالها الـ 8bit. قريبا غادي تقدر تعاود تعيش التجربة كأنك طفل (أو مراهق)!

حسب ما دكر موقع Gizmodo, شركة Hyperkin الامريكية المتخصصة ف صناعة وتوزيع الـ video game consoles خدامة حاليا على تطوير نسخة غير رسمية من الـ Game Boy.

الـ Game Boy الجديد غادي يكون الاسم ديالو Ultra Game Boy. غادي يعرف تغييرات عديدة, لكن ما غاديش تأثر على الـهوية الكلاسيكية ديال الجهاز الاصلي.

الـ Game Boy Ultra ماغاديش تكون فيه أي built-in games, ولكن تقدر تلعب الالعاب القديمة ايلا مازال عندك بلا ما تضطر تشريها مجددا, خصوصا وأن تمنها غادي يرتفع بسبب الطلب عليها.

عكس الاصلي, الـ Game Boy الجديد غادي يكون الكاركاس ديالو مصنوع من الالمنيوم. غادي ينظمن شاشة LCD, وباتري كتدوم مدتو حتا لـ 6 ساعات, بالاضافة لـ USB-C port باش تشارجيه.

تاريخ الاصدار مازال غير محدد, لكن Hyperkin كتحاول يكون ف أواخر صيف هاد العام.

التمن ديال Game Boy Ulta حتا هو ما تمش تحديدو بالضبط, لكن غادي يكون ف حدود أقل من 100 دولار, أقل من 100 درهم. غالي شوية, لكن اعادة عيش التجربة تستاهل كثر!

 

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…