دراسة: الانسان كيبقا مراهق حتا لعمر 24

راك مازال مراهق!


المراهقة تعتبر أصعب فترة ف حياة أي واحد فينا. كتوقع فيها عدة تطورات هرمونية اللي كتخلي الواحد تالف, ما هو طفل ما هو بالغ. ف النص وما عارفش كيفاش تتصرف.

تعريف ووقت المراهقة يختلف من تقافة لاخرى, لكن تاريخيا –وبصفة عامة– تعتبر ف فترة ما بين 11 عام و 19. دراسة جديدة من أستراليا أعادت النظر ف هاد الرقم, وزادت 6 سنين ف هاد الفئة العمرية.

الدراسة اللي سميتها The age of adolescence, واللي تنشرت ف  Lancet Child & Adolescent Health journal قالت باللي نمط حياة البشر تغير بزاف مع الوقت وبالتالي حتا تعريف المراهقة تغير. الانسان ف القرن 21 كينضج متأخر بزاف.

القائمين على الدراسة شددوا كذلك أن تعريف المراهقة خاصو يتغير والقانون يتأقلم معاه.

“المراهقة كتتظمن جوانب النمو البيولوجي, بالاضافة للتغيرات الاجتماعية, اللي بزوج تغيروا ف اخر قرن.” كتقول Professor Sawyer, المسؤولة على الدراسة.

الدراسة خرجت بنتيجة أن فترة المراهقة حاليا, أو العمر ما بين الطفول والـ Adulthood, كتمتد ما بين عمر 10 و 24 عام. عكس, 11 و 19, اللي كان قبل.

ف الحقيقة, رأي النتيجة صحيح الى حد كبير. حسب والدينا وأجدادنا, التحول لراجل/مرا ف الاجيال الجديدة كيتم متأخر بزاف مقارنة بوقتهم, اللي كنتي كتلقا فيه السيد مزوج ووالد على عمر 19, بينما اليوم 35 ومازال بزاف كأنهم أطفال.

طبعا, والدينا كيزيدو فيه شوية, والامر كيدخل فيه صراع الاجيال, لكن دابا science is backing their claims.

ايلا عمرك ما بين 19 و 24 ومازال عزيز عليك تتفرج ف سبيستون والمحقق كونان, هانية, بلا ما تتقلق. You are normal.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: صاينص، بيتش! 🔬

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…