CastBox: الـ App ديال الـ podcasts اللي خاص يكون ف سمارتفونك

حيت هو الـ YouTube ديال الاوديو!


رغم نطور التكنولوجيا والتحول السريع للفيديو أونلاين. الدراسات كتبين أن الاقبال على المحتوى المسموع في ارتفاع عام بعد عام.

دراسة من طرف Edison Research بين 2013 و 2017, لقات أن نسبة المستمعين للـ Podcasts ف الميريكان رتفعت تقريبا بالضوبل.

الاوديو مازال ما مات ومازال ما ولى uncool. بالعكس, أغلب مستمعي الـ Podcasts ف أمريكا بين 18 و 34 عام, it’s actually what the cool kids on the block love.

الـ podcasts هنا طبعا كنقصدو بيها الكلمة المتعارف عليها عالميا, واللي كتعني محتوى مسموع قابل للتحميل أونلاين. ماشي الـ Podcast بالمعنى المغربي واللي كيعني محتوى فيديو.

علاش خاصني نسمع للبودكاست؟

عكس الفيديو, الاوديو ما كيتطلبش 2 حوّاس (السمع والشوف). الاوديو كيبغي فقط السمع, أي أنك تقدر تسمع بلا ما تركز بعينيك. تقدر تدير مجهود معين ونتا كتسمع.

ما كاينش فينا اللي ما كيركبش ف الطوبيس ولا ف الطاكسيات (حتا ايلا عندك طونوبيل كتدوز وقت مهم ف الطريق) يوميا. وقت مهم كيمشي غير ف الفراغ…ولا ف نقاش سريالي مع الشيفور.

الموسيقى كتبقا من الحلول, لكن ماشي الحل الوحيد. الاستماع لبودكاست كيبقا حل أحسن, خصوصا إيلا كتتعلم شي لغة أجنبية (Which you should).

شنو كيكون ف البودكاست؟

ف المغرب للأسف مازال ما عندناش تقافة البودكاست ولا Podcasts كتقدم محتوى متجدد. الدومين مازال غريب علينا. الاغلبية ما عندهم حتا فكرة شنو هو Podcast.

لكن لحسن الحظ البودكاستس ف أمريكا وأوروبا are on the rise وكاين محتوى متزايد كل نهار بجودة جد عالية. كاين بودكاستس اللي مواليها بحال الـ rock stars. مشهورين وعندهم ملايين المتابعين.

البودكاستس, من ناحية المحتوى, غادي تلقا فيهم كلشي….حرفيا.

غادي تلقا محتوى من الاخبار حتا لدروس تعلم اللغات, مرورا ببودكاستس كتهضر على الموسيقي والافلام والمسلسلات. الكتب الصوتية حتا هي غادي تلقاها.

شنو هاد الـ App؟

الاب سميتو CastBox. كاين المئات ديال الـ apps كيقدموا نفس الخدمة, لكن هذا هو اللي الافضل.

بدا كـ Startup باغية تولي هي اليوتوب ديال الاوديو. فكرة نابغة صراحة, خصوصا ايلا عندك احتكاك بالـ  Apps ديال الـ podcasts.

الفكرة بدات ملي الـ CEO  والمؤسسة مشات تخدم ف الجابون وكانت كتسمع لـ podcasts يوميا باش تتعلم اليابانية, لكن جميع الـ Apps كانت عيانة وما فيهاش خصائص مهمة, بحال مثلا تختار اللغة والبلاد اللي بغيتي باش تسمع الـ Podcasts منها.

من هنا قررت تدير App اللي يتعلم من اخطاء الناس اللي سبقوها…وفعلا نجحت ف هاد الشي!

CastBox, بالاضافة للميزات التقنية, كيركز كذلك على الواجهة. الديزاين ديالو نقي, أنيق, وساهل على العين, غادي تلقا الـ Podcasts اللي بغيتي بسهولة وتقدر تسبسكرايبي ليها.

ف CastBox تقدر حتا تطيليشارجي البودكاستس باش تسمعهم من بعد أوفلاين ايلا مثلا كتخدم بـ 3G/4G.

الـ player كيمكنك من أنك ترجع الاوديو 10 تواني للور باش ما يفلت لك والو, خصوصا ايلا كتتعلم لغة جديدة ومازال ما مولفش عليها مهضورة بالسرعة الطبيعية.

هذي نظرة خفيفة للواجهة, باش تدوق قبل ما تشري (مجازيا, الـ App فابور):

الـ App متوفر للتحميل للأندرويد من هنا, والـ iOS من هنا.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: #NeoozProTips

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…