هاد الـ 6 أفلام إسبانية خاصك تتفرج فيها ف أقرب وقت

حيت لا تقل إبداعا على هوليوود!


إبداع الشعب الاسپاني ما محصورش ف الكورة فقط. السينما والتلفزيون من المجالات اللي الاسپان كيبدعوا فيهم من حين لآخر.
طبعا، انتاجهم وابداعهم ماشي من نفس حجم ولا جودة هوليوود، لكن كيبقا متميز ف القارة الأوروبية وكيفرضوا نفسهم ف اكبر التظاهرات.

وباش نبقاو ديما ف أمريكا، من أهم الممثلين اللي عطات سپانيا للعالم كيبقا Javier Bardem، اللي ما كاينش اللي غادي ينكر عظمتو ف دور Anton Chigurh ف فيلم الاخوين كوين No Country for Old Men. بلا بيه وبلا اداؤو وملامحو، داك الفيلم ما كانش غادي يحقق نفس النجاح.

ف السنين الأخيرة ومع تطور وسائل التوزيع، السينما ف سپانيا بدات تحقق اعتراف دولي من طرف الجمهور تحديدا.

لأول مرة محبي السينما ف العالم غادي يحتكوا بالاعمال الاسپانية (نسبة للدولة اسپانيا ماشي اللغة) عن قرب. الانترنت عندو دور كبير ف هاد الشي.

ف نيووز، جمعنا هاد اللائحة المختصرة بأهم 6 أفلام إسپانية ف السنين الأخيرة اللي تستاهل تشوفها كخطوة اولى ف اكتشاف للسينما الاسبانية:

 1. La Isla Minima

القصة: اختفاء 2 اخوات ف فيلاج صغير ف جنوب سبانيا ف التمانينات خلال احتفال محلي. 2 detectives غادي تسيفطهم السلطات من مدريد يتحراو ف الجريمة. هاد الـ detectives شخصياتهم وأفكارهم السياسية مختلفة تماما (تاريخ فرانكو كان مازال حي), لكن خاصهم يخليو الاختلاف جانبا ويحلوا لغز الاختفاء.
النوع: Drama/Crime
التقييم: 7.3/10

2. La Celda 211

القصة: موظف ف الحبس غادي يلقا راسو محتجز ووحيد وسط عصيان وشغب ديال السجناء ف الحبس. باش يعيش وما يتعرضش للعنف, غادي يضطر يمتل أنه حياس جديد دخل للحبس ف نفس النهار بتمهمة القتل.
النوع: Drama/Thriller
التقييم: 7.7/10

3. Mar adentro

القصة: ميكانيكي ديال السفن وشاعر ف وقت الفراغ, Ramón Sampedro (كيلعب الدور Javier Bardem) غادي يتعرض لحادث غادي يخليه مشلول. الفيلم كيعاود قصة صراعو القانوني من أجل الحق ف الموت الرحيم.
القصة مبازية على قصة حقيقية.
النوع: Drama/Romance
التقييم: 8/10

4. El Orfanato

القصة: لورا طفلة تم تبنيها ف السبعينات من دار أيتام. غادي تكبر وتتزوج وتقنع راجلها يشري الميتم ويحولو لمؤسسة للاطفال المعاقين.
نها الافتتاح, ولدها بالتبني, سيمون غادي يختفي ف ظروف غامضة وما غاديش يلقاوه.
النوع: Drama/Mystery
التقييم:  7.5/10

5. Camino

القصة: الفيلم مبازي على قصة خقيقية ديال طفلة عمرها 14, ماتت بالسرطان ف التمانينات. عائلة هاد الطفلة كتنتمي لطائفة كاثوليكية متشددة كتشوف الالم هو جزء من خطة الله, الشي اللي تسلل ف موتها.
الفيلم كيكتشف حيات الطفلة حتا ماتت.
النوع: Drama
التقييم: 7.6/10

6. Contratiempo

القصة: رجل أعمال شاب غادي يفيق واحد الصباح يلقا راسو محبوس ف غرفة ف أوطيل مع صاحبتو الميتة.
غادي يكلف محامي مشهور بالدفاع عليه من تهمة القتل, وغادي يحاول يكتشف آش وقع بالضبط ف داك الليلة.
النوع: Mystery/Crime
التقييم: 8.1/10

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: سينما 📽

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…