هاد الـ 2 دول ف أزمة ديبلوماسية — والسبب سريالي

كيتعلق بكلمة....


كتسمع أزمة ديبلوماسية كيجي لعقلك صراع على الارض ولا شي حاجة اللي سيريو واللي تستاهل الازمة. لكن ماشي ديما.

 

حوالي نص مليون مواطن يوناني (حسب بعض المصادر) خرجوا يتظاهروا اليوم ف مدينة Thessaloniki  شمال البلاد ضد قرار استعمال اسم مقدونيا للاشارة للجمهورية اليوغوزلافية السابقة.

كيفاش؟!

طبعا ما غاديش تفهم! دولة مقدونيا من دول يوغوسلافيا السابقة. شدات الاستقلال عام 1991. عالميا –ورسميا يشار ليها بـ FYROM, اللي هي اختصار لـ the former Yugoslav Republic of Macedonia.

علاش هاد الجملة كلها؟ حيت كاين منطقة شمال اليونان كتحمل نفس الاسم, مقدونيا. للتفريق بينهم كيتم استعمال تعبير the former Yugoslav Republic للاشارة للدولة اليوغوصلافية, واللي تأسست فقط ف التسعينات.

المنطقة شمال اليونان سميتها مقدونيا تاريخيا, وهي منين جا الاسكندر المقدوني الاكبر. اليونانيين كيقولوا باللي مقدونيا الحقيقية هي منطقتهم, بينما الشعب اليوغوسلافي سرق الاسم والتاريخ والارض.

المقدونيين اليوغصلافيين شعب صلافي (Slavs), بينما اليونانيين شعب مختلف تماما. تقافيا ولغويا الشعبين مختلفين كليا.

“There is only one Macedonia and it is Greek!”

“There is only one Macedonia and it is Greek!” كانت مكتوبة ف عدة لافتات خلال المظاهرة.

الحكومة اليونانية كتقول أن استعمال الجمهورية اليوغوصلافية لاسم مقدونيا كيعني مطالبة ظمنية بمانطقها الشمالية. الامر ف الامم المتحدة من 27 سنة بين الدولتين.

عام 1992, أكثر من مليون محتج يوناني خرجوا للشارع للماطلبة يظم الجمهورية اليوغصلافية الناشئة لليونان.

 

المفاوضات مازال جارية بين اليونان ومقدونيا, النتيجة غير معروفة, لكن ف جميع الاحوال ما شغلناش, غادي نقولو لمقدونيا مقدونيا, وداك المنطقة اليونانية حتا هي مقدونيا.

 

باغي تتعرف أكثر على هاد الصراع السريالي؟  تفرج ف هاد الفيديو:

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: واضفاك؟

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…