هاد الفرنساوية جات تعيش ف كازا — وولات كازاوية حقيقية!

خاصك تسمعها كتهضر!


كازا هي المدينة المغربية الوحيدة اللي يا إما تبغيها يا إما تكرهها. مدينة ما يمكنش تاخد منها موقف محايد وتتجاهلها. لحسن الحظ, بزاف كيغيروا كرههم لحب وكيبغيو هاد المدينة بمجرد ما يعيشو فيها ويكتشوفوا طابعها .

@Hertz Maroc

Emilie Taillandier واحدة من هاد الناس! شابة فرنساوية, 27 سنة, تحولت للعيش في أكبر مدينة ف المغرب الكبير قبل عام ونص.

وعكس أغلب الفرنسويين ف المغرب, إيميلي قررت تعيش التقافة المغربية (الكازوية تحديدا) to the fullest.

ديجا قرات العربية الفصحى ف الجامعة عام 2010. زارت المغرب عدة مرات قبل ما تقرر تستقر ف كازا.

من بعد أكثر من عام ديال الاحتكاك اليومي والدروس ف الدارجة, إيميلي ولات كتقدر تهضر بالدارجة بسهولة وكتقدر تتحاور مع المواطنين الكازاويين ف الشارع عادي.

وباش تجربتها الفريدة ما تبقاش مجهولة, مؤخرا إيميلي دارت صفحة ف الفيسبوك وقناة ف اليوتوب سماتها كازا هي الحب Casa is love.

واللي من خلالها بغات تورّي للكازاويين وللمغاربة تجربتها ف كازا, وتقول لهم باللي رغم ڭاع المشاكل اللي ف المدينة، كازا كتبقى مدينة حاصة.

أول فيديو ديال إيميلي كان نهار ماتش الوداد ضد اتحاد العاصمة الجزائري. صورت فيه رحلتها لواحد من أهم معالم كازا لشجيع الوداد: دونور.

مؤخرا لاحت فيديو جديد ف صفحتها وقناتها مصورة فيه جولتها ونقاشها مع الناس ف السونطر ديال كازا.

الفيديو جاب لحدود الساعة 190 الف مشاهدة. هنا تقدرو تشوفوه وتتأبوناو ف صفحتها, وعلاش لا to show her some love:

 

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…