خامس Porn star كتموت ف أقل من ست شهور — القضية فيها إن

وماشي صدفة!


هل هذا Clickbait باش نجيبو الكليكس؟ قطعا لا. فعلا كاينة ظاهرة عجيبة كتجتاح مؤخرا عالم صناعة البورنو ف أمريكا. أكثر من 4 ممثلات بورنو واعدات ماتوا ف الخمس شهور الاخيرة ف ظروف غامضة ومختلفة.والامر creepy بزاف.

البارح الممثلة الاباحية Olivia Lua  التحقت باللائحة, تلقات ميتة ف شقتها ف لوس أنجلس, أمريكا. Olivia كان ف عمرها 23 سنة فقط ومازال عاد بدات ف الدومين.

الاجونس ديالها قالت باللي الممتلة الشابة كانت ديجا ف مركز للاقلاع عن الادمان.وكانت كتاخد أدوية طبية عندها علاقة بالصحة النفسية.

موتها بالتالي ماشي بعيد يكون عندو علاقة بشي انتحار بأوفردوز.

قبل منها, تحديدا ف الاسبوع الاول من 2018, الممثلة Olivia Nova ماتت ف ظروف غامضة ف سن 20 سنة فقط.

وقبل منهم بزوج, 3 ممتلات اخرين, August Ames, Yuri Luv, و Shyla Stylez, ماتوا كذلك ف شهر 11 و 12 من 2017 ف ظروف غامضة بلا ما يتعرف السبب (أو انتحار).

اللي كيزيد يخلي الامر عجيب أكثر, هو أن Nova وصديقتها Lua عندهم نفس الاسم الشخصي وكانوا سانيين مع نفس الاجونص ديال المودلين, LA Direct Models. أي ف أقل من 3 شهور هاد لاجونص فقدت 2 من أهم الممثلات عندها.

شنو السبب ف موتهم؟ هل هو إنتحار؟ هل الامر جرائم منظمة؟ الجواب غير مؤكد, لكن المؤكد هو أن الخدمة ف مجال البورن ماشي وردية كيفما كنتخيلو. عالم البورنو, خصوصا للنسا, عامر تمارة وسترس وصداع الراس أونلاين. عالم مختلف تماما على آش كنشوفو وكنظنو.

الوثائقي 9to5: Days in Porn, انتاج سنة 2008 وإخراج Jens Hoffmann, كيكتشف هاد العالم بالتفاصيل وكيعطي insights لشنو كيوقع من الداخل.

الوثائقي كيزور ستوديوهات التصوير ديال البورنو ف كاليفورنيا وكيوقف على ظروف العمل وعلى طريقة التعامل مع الممثلات, اللي أغلبهم كيكونوا جايات من مناطق بعيدة يديروا كاريير ف البورنو. المخرج ستجوب ف المعدل 70 شخص خدام ف عالم البورنو.

اللي بغا ياخد فكرة معمقة على عالم البورنو, ما غاديش يلقا حسن منو.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: واضفاك؟

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…