5 معلومات على لالة فاطمة ما كنتيش عارفها

خاصك تعاود تتفرج ف السيتكوم


لالة فاطمة أهم سيتكوم ف تاريخ التلفزة المغربية. أكثر السيتكومات نجاحا ويمكن أول واحد نقدرو نسميوه سيتكوم بالمغايير الأمريكية. ديرو دابا ف اليوتوب غادي يضحكك مهما كان دوقك.

مكتوب ومصور بطريقة أمريكية. حوار من 20 تانية ف اللول، اغنية المقدمة، ثم السيتكوم، و ف الاخير pun من 10 تواني بعد اغنية النهاية. تماما بحال Two and a Half Men.
السيتكوم من انتاج عليان واخراج نبيل عيوش. الحلقة كتكون عادة من 20 دقيقة بلا اشهار. اول حلقة دازت ف رمضان 2001، واخر حلقة ف 2003.

1. شارك ف كتابتو فرنسيين

كتابة لالة فاطمة باين فيها التأثير غير المغربي ف السرد.

عكس باقي السيتكومات، لالة فاطمة مكتوب بشكل أمريكي.
للأسف ما كايناش معلومات اونلاين على الكاتب، لكن قطعا عندو علاقة بالتلفزيون ف فرنسا وكان هدفو يدخل تقافة السيتكوم الأمريكية للمغرب. خصوصا أن هاد الفترة كانت كتعرف ثورة ف السيتكومات ف أمريكا.

الكاتب الفرنسي كان فقط ف الجز الاول, الجزء التاني فريق الكتابة ولى مغربي 100%.

2. داز ف القناة الأولى الجزائرية


شهرة لالة فاطمة ما بقاتش فقط ف المغرب، بل فاتت الحدود. القناة الأولى الجزائرية عرضت الموسم الاول من لالة فاطمة واحد الفترة ف القناة الفضائية.

هل تعرض ف القناة الارضية أم لا غير معروف, لكن ماشي مستبعد.

3. لالة فاطمة ما قارياش


رغم قوة شخصيتها، الا أن لالة فاطمة ماقارياش. ف عدة مرات ف السيتكوم كتبان هاد النقطة.

4. العوينة كان يلاه متل ف فيلم علي زاوا

لالة فاطمة وفيلم علي زاوا كلهم من اخراج نبيل عيوش. هل الاعتماد على هشام موسون ف دور العوينة كان بسبب الفيلم ولا لا غير معروف تحديدا. لكن غالبا ابداع هشام ف الفيلم لعب دور كبير.

5. مادماكس المقصود بيها البورنو ماشي الفيلم الامريكي

وي, كنا صغار وبزاف مننا ما فهموش هاد القضية. أصلا ما قالوهاش ف السيتكوم, لكن مادماكس ماكانش المقصود بيه الفلم الامريكي ولكن البورنو.

قبل الانترنت وانتشار البارابول, كان الكاصط ديال الفيديو هو الحل الوحيد.

6. داك الباب ديال الكوزينة لا يعترف بقوانين الفيزياء

 رغم أنهم ساكنين ف السيزيام إيطاج, إلا أن القفل وحليمة ديما داخلين من باب الكوزينة اللي اللور.
هل كاينين دوك الدروج ديال الطوارئ؟ غير مدكور ف السيتكوم, لذلك كيبقا داك الباب لغز.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تيفي 📺

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…