هذي شروط الـ YouTube الجديدة باش تقدر تربح من فيديواتك

والانترنت ما عاجبوش الحال!


أسابيع قليلة فقط من بعد ضجة Logan Paul, اللي كان صور جثث ناس منتحرين ف غابة ف اليابان وأبلوداها للـ YouTube وسط تخادل من الموقع ف اتخاد اي إجراء, الموقع رجع هاد الاسبوع يخلق الجدل من جديد.

شركة Google المالكة لليوتوب أعلنت قبل أيام عن تجديدها لشروط القبول ف نظامها ديال الربح YouTube Partner Program. 

بلغة أبسط, اليوتوب غادي يغير الشروط اللي خاصها تتوفر ف قناتك قبل ما تقدر تدير Monetize (تأكتيفي الاشهارات) للفيديوات ديالك.

عادة, كنتي كتأبلودي الفيديو وتقدر تربح منو الفلوس ابتداءا من بعد 10 الاف مشاهدة فقط.

لكن ابتداءا من 20 فبراير الجاي هاد الشي غادي يتبدل وغادي تدخل شروط اخرى حيز التنفيذ. شروط أكثر صرامة وقساوة حسب مئات الالاف ديال اليوتوبرز.

دابا باش تقدر تستافد من الـ Monetization, غادي يولي مفروض على قناتك تكون فيها على الاقل 4 الاف ساعة ديال المشاهدات, بالاضافة لعدد ديال الـ Subscribers لا يقل عن الالف (1000).

شروط القبول ف الاشهار ماشي كلشي. كاين تغييرات اخرى دارتها Google باش تحد من violation ديال الـ Community guidelines و تتأكد باللي اليوتوب is not a place that can be co-opted by bad actors…اللي هوما سبب هاد التغيير ف السياسة.

القنوات الكبيرة القديمة بدورها ما غاديش تسلم من هاد التغيير.

حسب الاعلان ديال Googel اللي جا فيه الخبر: existing YPP channels will be automatically evaluated under this strict criteria and if we find a channel repeatedly or egregiously violates our community guidelines, we will remove that channel from YPP.

هاد الشروط الجديدة ما عبجتش الاف الـ creators وصحاب القنوات الصغيرة حول العالم.

ردود الفعل كانت كلها سلبية واتهمت الـ Platform بتفضيل القنوات الكبيرة ضد المبدعين اللي مازال عاد بداو.

وطبعا Logan Paul هو اللي عليه كل اللوم.

على أي, نتمناو هاد الشروط الجديدة تساهم ف تقليل فيديوات فضائح سقوط فساتين هيفاء وهبي والمرا الحاملة 9 سنين من اليوتوب المغربي, رغم أن صراحة داك القنوات عندها 7 أرواح 🙏

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…