شحال من دولة تقدر تزورها بالباسبور المغربي؟

هنا الجواب بالتفصيل!


من أسوء التجارب اللي ممكن يعيش الانسان ف حياتو هي ترفض لو الفيزا من بعد سير واجي ديال أيام وبزاف ديال صداع الراس.

العالم كان غادي يكون أجمل كون كنتي تقدر فقط تهز صاكك وباسبورك وتقصد المطار, لكن للأسف ما نيل المطالب بالتمني.

كل سنة شركة Henley & Partners المختصة ف الـ global citizenship and residence advisory (الاستشارات ف امور الجنسية والسكن حول العالم) كتخرج ترتيب بباسورات العالم وعدد الدول اللي كتقدر تزورها بلا فيزا, ف تصنيف يسمى Visa Restrictions Index.

المؤسسة كتعتمد ف ترتيبها على أرقام منظمة الطيران الدولية IATA. بالاضافة لارقام رسمية من حول العالم. المعايير بالتفصيل كاينة ف السيت ديال H&P.

قبل أيام خرج ترتيب سنة 2018. واللي تغير إسمو لـ Henley & Partners Passport Index هاد العام.

أقوى باسبور ف العالم حسب الترتيب, وبحال السنين اللي فاتت, هو الباسبور الالماني. كيمكن مولاه من زيارة 177 دولة ف العالم بلا فيزا.

كيتبعو باسبور سنغافورة (فين جات ف الخريطة أصلا؟!) ب176 دولة. أما الباسبور الامريكي فجا ف المرتبة الخامسة بـ 173 دولة.

الباسبور المغربي جا هاد العام ف المرتبة 74 عالميا ب61 دولة. رغم أنه ورا دول بزاف أفقر مننا, بحال كينيا والمالاوي وزمبابوي, إلا أنه تقدم من المرتبة 78 لـ 74, ومن 58 لـ 61 دولة.

رغم الترتيب المتأخر ونفس مرتبة البنين والزمبابوي, إلا انه كاين حوايج إيجابية أخرى: ترتيبنا أحسن من الدزاير ومصر.

هذا الترتيب الكامل من الـ PDF ديال الترتيب:

 

وهذي خريطة الدول اللي تقدر تزورها كمغربي بلا فيزا (أو تتعطالك ف المطار, حسب اللون)

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: #NeoozProTips

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…