سمعنا ألبوم Hoba Hoba Spirit الجديد Kamayanbaghi وهذا رأينا

Hint: You'll love it 🔥🔥


اليوم, 7 يناير 2018, خرج ألبوم جديد ديال مجموعة Hoba Hoba Spirit, اللي سميتو كما ينبغي – Kamayanbaghi.

طبعا هوبا هوبا سبيريت Band مغربية غنية عن التعريف . Fusion band active من عام 1998. الالبوم الجديد هو السابع ف الديسكوغرافي ديال الكروب الكازاوي.

كما ينبغي فيه 12 أغنية ف مواضيع متنوعة كيفما هو الحال ف باقي ألبومات المجموعة. نفس الستيل الموسيقي بحال ديما. خليط من الروك والـ Reggae وكناوة, أو كيفما كيسميوها: الحيحة!

الكلمات والموسيقى من طرف اعضاء المجموعة. أما الـ Recording و Mixing ف تم من طرف حمزة شيوة.

الالبوم كيتظمن artwork مع كل أغنية. كل أغنية عندها تصويرة خاصة بيها. الديزاين تم من طرف Rebel Spirit.

الـ Cover ديال الالبوم فيه قالب ديال السكر على شكل هدية شادّاه مرا. مع الاسم, الرسالة المشفرة ما تحتاجش للشرح.

 

الالبوم فيه –مرة اخرى– احتفاء بالتقافة الشعبية المغربية. references بزاف من التقافة المحلية. القايد والحريك والموسم (كيما ف أغنية Moulay Tahar)و تقافة راس الدرب (كيما ف أغنية Nabil Lhbil و Jnouni). مع مرة مرة شوية ديال النضال ومعاداة النظام, بحال ف أغنية Fitna, اللي كتهضر على حراك الحسيمة.

لحدود الساعة, الالبوم لقا ردود فعل إيجابية ف غاليتها الساحقة أونلاين.

كاين اللي شبه الكروب بـ ACDC (تعليق ف اليوتوب جاب لايكات بزاف), وكاين اللي شكر المجموعة حيت جاو بألبوم جديد ف الوقت اللي الساحة الموسيقية ف المغرب كتعرف تدهور كبير ف السنين الاخيرة.

 

هوبا هوبا ما خيبوش ظن الفانز ديالهم وما خيبوش ظننا. جاو بألبوم اللي ما هبطش على التوقعات. مواضيع You can relate to بسهولة. باختصار نقدرو نوصوفو الالبوم بأنه روح المغرب ف 2017 و 2018.

ما كاينش شي ألبوم آخر قدر انه يلخص حالة المغرب ف السنين الاخيرة كما ينبغي بحال Kamayanbaghi.

الالبوم للأسف مازال ما تلاح ف Spotify, بكن تقرد تسمع ليه ف اليوتوب من هنا (قناة الـ Band)

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: ميوزك

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…