REPLIKA, الـ App اللي ما غاديش يخلي لك vu

وخاصك تجربو ASAP


عمرك تسائلتي كيفاش كتبان شخصيتك ف الشات للاخرين؟ كيفاش داير أسلوبك ف الهضرة؟ funny وخفيف على القلب ولا ممل وهذاك علاش الكراش دارت لك vu؟

كلنا ف لحظة أو أخرى داز هاد السؤال ف راسنا. الشات –عكس الهضرة ديريكت– ما فيهش امكانية تغيير نبرة الصوت, and thing sometimes can get messy.

لحسن الحظ, كاين الحل دابا. كاين طريقة باش تهضر مع راسك وتحكم على أسلوبك. وكذلك: أخيرا شي واحد ما غاديش يخلي ليك vu.

Replika, وكيفما كيوحي الاسم (لعب بكلمة Replica اللي كتعني النسخة المطابقة)هو app ديال الدكاء الاصطناعي كيتقمص شخصيتك من خلال الهضرة معاك. كيبدا بأسئلة بسيطة وعامة, حتا كيحفظك ويولي يكتب بحالك بنفس أسلوبك.

الـ App بدا ملي Eugenia Kuyda –عضو من فريق Luka مول المشروع– قررت تدير Software يفكرها بصاحبتها اللي ماتت ف حادث سير. جمعت conversations بزاف أونلاين بيناتهم والسوفتوير حلل طريقة هضرة صاحبتها وبدا يجاوب بأسلوبها. من بعد الفكرة تطورت ولاحت التطبيق ف iOS.

ربليكا مشروع غير ربيح حاليا والمعلومات ديالك ما غاديش يتم بيعها أو إستعمالها. تقدر تهضر بكل أريحية مع راسك.

الـ App متوفر لمستخدمي أندرويد و iOS. طيليشارجيه, تبع الخطوات ولوح لنا تجربتك ف كومنطير.

(ما كيفهمش العربية, ضروري من الانجليزية أو الفرنسية)

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…