كيسافر حول العالم باش يصور مواقع تصوير الافلام — النتيجة خاصك تشوفها ضروري!

IT WILL BLOW YOUR MIND!


كتعتبر راسك شغوف بالسينما؟ كريستوفر غادي يخليك تحشم من وصف راسك بهاد الكلمة. الـ 2 تيرابايت ديال الافلام اللي عندك ف الپيسي — والل كتفترخ بيها– لاشيء قدام اش كيدير للأسف.

كريستوفر مولني شاب كندي عندو حب كبير للسينما والتصوير. ف يونيو 2012 بدا مشروع فريد من نوعو, #FILMography. كياخد لقطة من فيلم كلاسيكي عجبو ويطبعها بالكحل والبيض. كيجمع باليزتو ويهز كاميرتو ويقصد مكان تصوير اللقطة المقصودة.

كيحط التصويرة من الفيلم قدام المنظر اللي بغا بطريقة دقيقة جدا, ويصور المنظر. من بعد كيلوحها عندو ف موقعو على تمبلر.

تصاور مولني كانت دارت البوز ف الفيسبوك المغربي واحد الفترة. لكن اللي ما تمش الاشارة ليه هو أن الأمر ما كيتعلقش بـ 20 ولا 50 تصويرة، وإنما بأكثر من 600 تصويرة من عدة مناطق ف العالم خلال 5 سنوات من الشغف.

أماكن التصوير تنوعت بين أمريكا، كندا، البرازيل، إيطاليا، وحتا الفيتنام. فينما كان مكان تصوير الفيلم كيمشي ليه.

خدمتو دارت البوز ف العالم وحققت شهرة كبيرة. تـ featureـات ف مواقع وقنوات عالمية مشهورة. تقدر بما أنه كيزور دول بزاف ف العالم باش يصور لقطات الافلام, قلبّنا على المغرب –اللي تصورت فيه عدة أفلام هوليودية– لكن للأسف ما لقيناش.

هذي عينة من أعمالو على الكونط الرسمي ديالو ف Instagram, فالوويه وقلب على أي لقطة من المغرب, لكن قبل: ما تنساش تفالوينا حتا حنا @neooz.ma

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: سينما 📽

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…