4 معلومات غادي تصدمك على المجتمع الاسرائيلي

ولكن خاصك تعرفها


قبل من إعتراف ترامب بالقدس, لأكثر من نصف قرن وإسرائيل العدو الاول ديال دول المنطقة فين عايشين. الامر متفهم جدا. مشاكل سياسية بزاف بينا وبينهم.

لكن ف نفس الوقت, هاد الشي ما كينفيش أنه خاصنا نتعرفو على المجتمع الاسرائيلي باش نقدرو نشوفو الصراع بشكل أوضح. نتعرفو على الناس تما ماشي كنظام سياسي, بل كبشر بحالنا.

ف نيووز جمعنا 4 معلومات عن المجتمع الاسرائيلي خاصك تعرفها باش تقدر تشوف الصراع بشكل أوضح:

 

1. إسرائيل فيها ما يقارب نص مليون مواطن من أصل مغربي

إسرائيل فيها جنسيات بزاف من دول كثيرة أغلبهم مشاو ف 1948.

اكبر جالية كاينة هي الجالية اللي من دول الاتحاد السوفياتي, اللي كتشكل 26 ف المئة من عدد السكان.
الجالية التانية هي المغربية. كتشكل بوحدها نسبة 7.72%.

كيوصل عدد المغاربة-الاصل اللي عايشين ف إسرائيل نص مليون مواطن. مازال محافظين على الهوية والتراث المغربي. هاد الشي كيبان ف الموسيقى واللباس والتقافة.

2. ‎العربية لغة رسمية ف إسرائيل

رغم المشكل مع الجيران والحروب. العربية لغة رسمية ف إسرائيل.

غادي تلقاها ف البلاكات والادارات واغلب الخدمات ف المناطق اللي فيها نسبة مهمة من العرب.

كذلك العربية تدرس ف المدارس الاسرائيلية كلغة أجنبية للتلاميذ اللي بغاوها.

3. ‎كاين أكثر من مليون ونص فلسطيني عندو الجنسية الاسرائيلية وعايش فيها

ماشي جميع الفلسطينيين تهجروا ف النكبة عام 1948. نسبة لابأس بيها بقات ف أرضها واليوم عندها الجنسية الاسرائيلية.

عدد هاد الناس، واللي كيتسماو إعلاميا عرب 48، هو مليون و 600 ألف. أي بنسبة 20% من مجموع سكان إسرائيل اللي حوالي 8 مليون.

عندهم مجتمع ديالهم وأحزابهم وفيهم مشاهير بزاف. عزمي بشارة واحد منهم.

4. ‎50 الف إسرائيلي من أصل مغربي كيزور المغرب سنويا

رغم عدم وجود أي علاقات رسمية بين المغرب وإسرائيل, كل عام أكثر من 50 ألف سائح إسرائيلي كيزور المغرب.

هاد السياح أغلبهم من أصل مغربي كيجيو للمغرب يصلوا الرحم ولا يزوروا مسقط رأس والديهم. كما أنهم كيزوروا الموسم الدينية اللي كتتقام ف عدة مناطق من المغرب.

 

كاينة معلومة أخرى مهمة عن المجتمع الاسرائيلي ما دكرناهاش؟ خليها لنا ف تعليق!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: بوليتيك

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…