هذي سرعة الانترنت ف المغرب مقارنة بباقي دول العالم

ديال الـ ADSL  والـ 3G


عقلتو على أيام السيبير والصف باش تدخل تتكونكطا نص ساعة ف الانترنت ب 10 دراهم ولا كتر؟ أيام بنت **** الله لايعاودها.

اليوم أسوء حاجة ممكن توقع ليك هي أنترنت ضعيف بزاف, سواءا انترنت فيكس ولا 3G/4G, ولفنا بأنترنت سريع نسبيا وأي بطئ ممكن يسبب لنا نوبة غضب خطيرة.

 هاد التطور ف سرعة الانترنت ما جاش عبثا, بل نتيجة لظهور عدة فاعلين (ولا أنه بغينا كتر) ف المجال, اللي كيتنافسوا بيناتهم باش يفوزوا برضا المستهلك.

طبعا مازال كاينة مناطق ما كيوصلهاش الديبي كامل والريزو عيان, لكن الارقام كتبيّن أنه كاين تطور كبير ف مستوى صبيب الانترنت ف المغرب ف السنوات الاخيرة.

واحد من أهم مواقع قياس سرعة الانترنت ف العالم كينشر معدل السرعات حول العالم ويرتبها من الاسرع للأبطئ.

الشركة الناشرة لموقع Speedtest.net كتقوم بجمع نتائج ملايين المستخدمين حول العالم –منهم المغاربة– وكتقوم بدراستها ومعالجتها ونشرها ف مدونة خاصة.

دحلنا للموقع وجمعنا لكم معدل الصبيب ف المغرب, الدزاير والاسرع ف العالم. الدزاير تحديدا باعتبارها الدولة الجارة والاقرب لينا اقتصاديا وتقافيا.

 

الانترنت المحمول (3G/4G)
  • الاسرع ف العالم — النرويج: 62.66 ميغا/ثانية
  • المغرب: 15.03 ميغا/ثانية
  • الجزائر: 7.19 ميغا/ثانية

الانترنت التابث (الـ ADSL والـ Fibre)
  • الاسرع ف العالم — سنغافورة: 153.85 ميغا/ثانية
  • المغرب: 10.03 ميغا/ثانية
  • الجزائر: 3.76 ميغا/ثانية

الارقام اللي دكرنا هنا ديال شهر نونبر 2017. نتائج الموقع كتتجدد كل شهر, وكيتدار حدا الدولة بخط صغير عدد المراكز اللي طلعت ولا نزلت ف الترتيب مقارنة بآخر شهر.

كذلك تقدر تكليكي على اسم الدولة ويعطيك التطور ديال الديبي خلال عدة أشهر.

بغيتي تعرف شحال عندك ف الديبي؟ دخل لـ speedtest.net ودير التست وصورلنا شحال طلعلك!

 

عجبك المقال؟ دير لايك لصفحتنا ف الفيسبوك من هنا

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…