إيلون ماسك للشباب: المهارات أهم من الشواهد الجامعية

ولكن ما تمشيش غالط: الامر ماشي بهاد البساطة


كشباب مغاربة كلنا دزنا من داك المرحلة ديال شنو ندير من بعد الباك. الاباء غالبا باغيينك تدير الطب ولا الهندسة, ونتا أصلا باغي غير تتهنا من الليسي باش تتهنا من الحارس العام والاساتدة.

الاباء المغاربة مهووسين بالشواهد العليا. من حقهم, خصوصا ايلا كانوا ما كملوش قرايتهم.

هذي هي طريقتهم الوحيدة ف أنهم يظمنوا أنك ماغاديش تعاود أخطائهم ف الحياة, وكذلك تعيش لايفستايل حسن منهم.

على أي, ماشي كلشي كيشوف الشواهد العليا بداك الاهمية. Elon Musk, المستثمر والمخترع الغني عن التعريف كيشوف العكس.

خلال لقاء مع موقع AutoBILD.de الالماني (حيت هو مول سيارات Tesla اللي دارت ثورة ف عالم السيارات) ومن بعد سؤالو على شنو المواصفات اللي كيبغي ف الناس اللي يخدموا معاه, إيلون قال باللي شهادة جامعية غير مطلوبة at all حسب تعبيرو, ولا حتا الشهادة التانوية.

اللي كيهم, حسب نفس اللقاء, هو المهارات اللي كيتوفر عليها المترشح للخدمة.

طبعا, ماسك كيشوف أن شهادة غادي تعاون بزاف وإشارة ظمنية على امكانيات الشخص, ولكن ماشي بالضرورة دليل أن مولاها غادي يحقق incredible things أو يخدمو ماسك معاه.

ولكن ما تمشيش غالط. المهارات أصعب بزاف من الشواهد الجامعية.

عدم اهتمام إيلن ماسك بالشواهد العليا ما كيعنيش أنه كيقبل أي واحد يخدم معاه.

بل المطلوب أشخاص بمهارات عالية بزاف.

كيقلب على ناس اللي داروا مجهود كبير باش يحسنوا مستواهم ف المجال اللي فيه حتا وصلوا للـ top لدرجة اشمن شهادة عندهم ولات نقطة تانوية, ماشي ناس سمحوا ف القراية ونعسوا.

أو من الاحسن: شهادة جامعية + مهارات عالية ومحدثة.

بشهادة جامعية + مهارات عالية ف مجال ما غادي تقدر تستافد من The best of both worlds.  وهذا هو الخيار اللي كنشوفو أنه مناسب.

التعلم الداتي, لحسن حظنا, اليوم أسهل من أي وقت مضى, وتحسين المستوى كيبقا معتمد على شحصيتك وعزيمتك وأهدافك ف الحياة واستعدادك للـ Hard work….وحتا الدومين اللي خترتي.

المجالات العلمية الدقيقة موضوع مختلف تماما وما نقدروش نطبقو عليها نفس الهضرة.

ف نيووز كنا ديجا كتبنا مقال فيه مواقع كورسات فين تقدر تتعلم أي حاجة (تقريبا) من الانتنرنت, ها هي الفرصة تعاود تقراه:

سو, شنو رأيك؟ كتخدم على مهاراتك من غير القراية؟ شنو كتعرف تدير من غير اش قريتي؟ خلي لنا تعليق.

 

عجبك المقال؟ Supportـينا بلايك لصفحتنا من هنا

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات

المزيد ف: #NeoozProTips

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…