بهاد الـ App اللي ديجا ف تلفونك تقدر تعرف إسم أي أغنية

بلا ما تحتاج لـ Shazam


سبقلك كنتي غادي ف طاكسي ولا الطوبيس وسمعتي أغنية عجباتك ولكن ما لقيتي كيفاش تعرف الاسم ديالها؟
حتا حنا للاسف وقعاتلنا شحال من مرة. We feel you.

النصيحة اللي غادي تسمع عادة من عند صحابك هي أنسطالي Shazam. لكن ربما ما عندكش مساحة كافية ف التلفون، ما عندكش الطرواجي كافية داك اللحظة، ولا ببساطة ما بغيتيش تأنسطالي Shazam وهذا من حقك.

لحسن الحظ، وكيفما كيقول المثل المغربي اللي عندو باب واحدة الله يسدعا عليه، كاين البديل ديال شازام.

مواقع مهتمة بالتكنلوجيا قبل مدة قصيرة أعلنت أن Google زادت امكانية التعرف على الموسيقى للـ Google Assistant. المساعد الصوتي ديالها.

واش شي App جديد؟

لا, ما تخافش، الگووگل اسيستنت ديجا كاين ف تلفونك. ماغادي تحتاج تأنسطالي والو. هو داك الميكرو الصغيور اللي كاين ف الـ App ديال گووگل ف أي سماترفون خدام بـ Android (وحتا الـ iOS), واللي كيمكنك

كل ما عليك هو تكليكي على داك لميكرو وتقول”Google what song is this“, ولا “What song is playing” وتخليه يسمع الاغنية اللي بغيتي تعرف اسمها.

للاسف، خلال كتابة هاد المقال هاد الاضافة مازال ما متوفراش ف المغرب. جربناها على أغنية ديال Nirvana (سهلة التعرف عليها), لكن جانا ميساج كيقول Action not supported in your country.

الميزة متوفرة فقط ف عدة دول وغير ف تلفونات Pixel حاليا.

الدول اللي متوفرة فيها حاليا هي كندا, بريطانيا, أستراليا, الفلبين, وسنغافورة. المغرب غالبا غادي يجي مع باقي دول العالم قريبا.

نهار تتوفر ف المغرب, ها كيفاش غادي تكون النتيجة اللي تخرجلك ملي تقلّب على الاغنية:

التصويرة من وقع Mashable
عجبك المقال؟ Supportـينا بلايك للصفحة ديالنا من هنا

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: #NeoozProTips

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…