هاد السويسرية كتهضر الدارجة وكتعرف تطيب الرفيسة — والانترنت المغربي is in love!

And you will love it too!


شابة سويسرية ف فيديو كتهضر بالدارجة المغربية قالبة الانترنت المغربي مؤخرا وكلشي كيهضر عليها.

الشابة السويسرية من أصل تركي دارت فيديو من 3 قايق ردا على فيديو مغربية كان انتشر قبلها بيومين ودار الحرب الاهلية ف الويب المغربي.

ف الفيديو,  سيليهان موفليح, شابة سويسرية مزوجة من مغربي, كتهضر بدارجة مغربية بلكنة أوروبية واضحة. وكتعاود كيفاش انها عايشة ف سعادة مع راجلها اللي ولد حي الزيرو كاط وراجل ونص حسب تعبيرها.

سيليهان دارت الفيديو جوابا على فيديو لشابة فاسية انتشر من بعد تأهل المنتحب المغربي لكأس العالم ف روسيا العام الجاي.

الشابة المغربية كانت سخرت من الشباب المغاربة اللي باغيين يمشيو لروسيا ويتزوجوا بروسيات, ووصفتهم بأوصاف سلبية وأن الروسيات ماغاديش يقبلوا بيهم.

سيليهان, من بعد ما شافت الفيديو, جات من خلال الفيديو ديالها تجاوب على الفيديو الاول وتبيّن باللي الشباب المغاربة عادي يتزوجوا بأجنبيات ويعيشوا معاهم ف سعادة, وباللي أنهم رجال وعندهم الكلمة والأمر ماشي كيفما جا ف الفيديو.

الشابة السويسرية اللي ساكنة ف زيوريخ, قالت كذلك أنها تعلمت تطيب الشيهوات المغربية بحال الرفيسة وكسكسو, وورات للكاميرا قصرية ومنتوج مصبر مغربي.

ساعات من بعد انتشار الفيديو, الفيسبوك المغربي دخل ف حالة طوارئ.

الفيديو ف وقت قصير تشاف 2 مليون مرة وجاب 115 ألف لايك وعشرات الالاف ديال التعليقات, اللي أغلبها إعجاب بالسويسرية الحادكة أو تحسر على الزهر اللي ولدهم ف المغرب,

 

ماشي فقط غير الدراري اللي طاحوا, البنات حتا هوما:

 

سيليهان بارطاجات الفيديو اللي خدينا منو هاد التعليقات, غالبا قراتهم وعجبوها.

للاشارة, المواطنة الشابة السويسرية سبق لها عاشت ف المغرب عامين وكعرف المجتمع المغربي على ما يبدو.

هذا الفيديو المدكور من الكونط ديالها الشخصي:

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كوپل 💑

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…