هذي أتمنة تداكر ماتشات المنتخب المغربي ف كاس العالم

باش تبدا تجمع الفلوس من دابا!


المنتخب المغربي لكرة القدم تأهل من بعد 20 عام للمونديال. ماتش تاريخي ضد الكوت ديفوار تربح أداءا ونتيجة. ملايين المغاربة فرحوا فرحة ما فرحوهاش عشرات السنين.

من شدة الفرحة غالبا جمعتي الباليزة باش تسافر لروسيا صيف 2018. كنتفهمو الامر. الملايين من الـ Millennials بحالك كيحلموا يحضروا للمنتخب ف كاس العالم عن قرب. الحلم اللي ف 1998 كنا مازال صغار عليه.

لكن ما تزربش, مازال عندك 9 شهور تقريبا…وحتا تشوف أتمان التداكر بعدا وتشوف واش تقدر عليها.

تداكر المونديال ماشي بحال ماتشات البطولة. الفيفا دايرة سيستيم فشكل شوية ف التداكر. مقسمة التداكر ل 4 أصناف.

3 للمشجعين البرانيين اللي غاديين لروسيا يشجعوا منتخباتهم, والصنف الرابع للمواطنين الروسيين أو المقيمين ف روسيا.

التداكر اللي موجهة للمواطنين الروسيين كتتباع بالعملة الروسية الروبل, بينما الموجهة للمشجعين الاجانب (منهم نتا) فكتتباع بالدولار الامريكي.

الصنف الرابع تقنيا نتا غير معني بيه, لذلك ما غاديش نهضرو عليه. غادي نهضرو فقط على الاصناف 1, 2, و 3.

 الماتشات اللي غادي تهمك كمشجع مغربي باغي يمشي لروسيا, هي ماتشات المنتخب ف الدور الاول, واللي مظمون 100% غادي يلعبها عكس ماتشات الدور الـ 16, اللي كتبقا ف الشك.

حسب موقع الفيفا, تمن تيكيتات ماتشات المنتخب التلاتة ف الدور الاول غادي تكون بين 1050 درهم (الصنف 3), 1650 درهم (الصنف 2), و 2100 درهم (الصنف 1).

أما في حالة ما, Hopefully, المنتخب تجاوز دور المجموعات وداز لدور السطاش, فتمن تيكيت الماتش غادي يرتفع لـ 1150 درهم (الصنف 3), 1850 درهم (صنف 2), و 2450 درهم بالنسبة للصنف 1.

 

حاليا this is all you need to care about بالاضافة للطيارة والمصروف طبعا. في حالة ما المغرب داز لدور الربع فالحل اللي عندك هو تدوز ف التلفازة وتغني: وا الواليدة وصيفطي اللعاقة, السيليكسيونا باقة! 

 

عجبك المقال؟ Supportـينا بلايك لصفحتنا على الفيسبوك من هنا

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: كرياتيف 💡

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…