الـ CIA نشرت آش لقاو ف PC بن لادن — أفلام, خطب جهادية وبورنو

و Tom and Jerry حتا هوما


نهار 2 ماي 2011, أسامة بن لادن, الرجل الاكثر بحثا عنه ف العالم لسنين, تم الاعلان عن قتلو من طرف فريق خاص أمريكي ف باكتسان. فين كان مخبي ف دار لسنين.

ف الدار اللي كان مخبي فيها تم العثور على عدة كتب واجهزة إلكترونية استعملها اسامة لسنين. تم اخد ممتلكات أسامة بن لادن لأمريكا للفحص.

من بعد سنين, الـCIA البارح نشرت آش لقاو ف الحاسوب اللي كان خدام بيه بن لادن.

الـ CIA نشرت 321 جيكا بايت ديال المعطيات كانت مطيليشارجيا ف بيسي بن لادن, غالبا جاتو ف USBs حيت ما عندوش الانترنت ف الدار فين كان مخبي.

هاد المعطيات, اللي فيها  470 فيشي بالاضافة للخطب الدينية والقرآن وداكشي اللي غادي يكون حاسوب رجل متشدد دينيا, تظمنت أفلام أمريكية, وثائقيات, فيديوات من اليوتوب….وحتا بورنو حسب ما قالت الـ CIA.

رغم أنه زعيم أكبر تنظيم إرهابي, أسامة بن لادن كان كيستمتع بالافلام حتا هو بحالنا. لقاو عندو عشرات الافلام المطيليشارجية ف البيسي ديالو.

أفلام متنوعة وف كل الـgenres. ربما كان حتا هو كيستمع بافلام هوليوود من بعد نهار شاق ف التخطيط للعمليات الارهابية.

من ظمن الافلام اللي لقاو ف حاسوب بن لادن كاين:

Antz. Batman Gotham Knight – Cars – Chicken Little – Final Fantasy VII – Heroes of Tomorrow – Home on the Range – Ice Age: Dawn of the Dinosaurs – Resident Evil – Storm Rider – Clash of the Evils

 

بالاضافة لهاد الافلام, لقاو عند بن لادن أفلام ديال Jackie Chan Adventures مطيليشارجيا من MyEgy بالترجمة العربية. وبلا ما ننساو فيديوات ديال Tom and Jerry.

الافلام ماشي كلشي, “الغنيمة” تظمنت كذلك أفلام بورنو ومحتوى اللي ممكن يكون غير مناسب لجميع الاعمار. الـ CIA ف موقعها كاتبة هاد التنبيه:

The material in this file collection may contain content that is offensive and/or emotionally disturbing. This material may not be suitable for all ages. Please view it with discretion. Prior to accessing this file collection, please understand that this material was seized from a terrorist organization. While the files underwent interagency review, there is no absolute guarantee that all malware has been removed.

للاسف خلال كتابة هاد المقال الصفحة ديال المعطيات كتـ redirectي للصفحة الرئيسية ديال الـ CIA من بعد ما تعطيك هاد الميساج:

The Abbottabad files are temporarily unavailable pending resolution of a technical issue. We are working to make the material available again as soon as possible. 
If you are not redirected automatically, follow this link.

المشكل مؤقت, نتمناو يتحل بسرعة باش تقدر تكتشف لراسك!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: واضفاك؟

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…