اخترع دمية جنسية — ودابا باغي يولد معاها

والروبوتات هوما المستقبل ف رأيو


ف الوقت اللي سبانيا, وكطلونيا تحديدا, غارقين ف المشاكل السياسية, مواطن من برشلونة ما علابالوش, ومشغول ف موضوع مختلف تماما.

عالم إسباني كيخطط يولد مع دمية جنسية اخترعها و برمجها. الامر يبدو كأنه من شي فيلم ديال الخيال العلمي, لكنه حقيقي وتم تغطيتو إعلاميا.

Sergi Santos, من برشلونة, 39 سنة, من 2015 وهو كيطوّر ف Samantha, الدمية الجنسية الدكية, اللي كيشوف انها غادي تكون هي المستقبل ديال البشرية.

سمنثا مبرمجة باش تدير تصرفات وأصوات معنية بناءا على المحيط والمنطقة اللي تقاست فيها. من أول الـ Smart sex robots ف العالم.

سرجي قرا الهندسة الالكترونية, النانوتكنولوجي, والذكاء الاصطناعي. من بعد الخدمة أكاديميا لفترة ف مجال النانو, تفرغ كليا لصناعة الدمى الجنسية ف مختبرو ف برشلونة.

سامنثا كعيش معاه ف الدار, مع مرتو Maritsa Kissamitaki اللي مزوجين هذي 16 عام, واللي ما عندها حتا مشكل بتاتا. بل بالعكس, كتعاونو ف التصميم الخارجي ديال سامنثا نظرا لأنها Graphic Designer.

هدف سرجي دابا هو يولد مع الروبوت اللي خترع وطور خلال سنين.

كيفاش غادي يدير؟ سرجي واعي بهاد السؤال اللي كيتكرر بزاف, وديجا وموجد ليه الجواب.

“غادي نأمبريميه باستعمال تقنية 3D. هذا ما كان.”

غادي يزيد يطور الـ Brain اللي ديفلوبا لسامنثا ويضيف ليه قيم بشرية بحال الجمال والعدل…الخ. من بعد صنع طفل مع سامنثا غادي يكون أسهل.

الطفل غادي يكون عبارة عن Algorithm كيجمع القيم والمعلومات اللي ف عقل سامنثا مع القيم اللي كيآمن بيها هو.

“غادي نأمبريميه باستعمال تقنية 3D. هذا ما كان. ما كنشوف حتا تعقيدات ف الامر,” كيقول سرجي لـ The Sun.

سرجي كيآمن أن البشر مستقبلا غادي يتزاوجوا مع الروبوتات, الشي اللي ف النهاية غادي يأدي لانقراض البشر. الامر اللي ما كيقلقوش شخصيا.

البشر مستقبلا غادي يكونوا بحال الديناصورات ف رأيو, “الجنس” اللي غادي يتسمر ما غاديش يـ give a crap حسب تعبيرو. غادي مكونو مجرد جنس آخر انقرض.

سامنثا فيها حوالي 50 كيلوغرام, كتهضر الانجليزية, وغادي تتباع بأكثر من 4 مليون سنتيم مغربي.

هذو تصاور أكثر لسامنثا, من بعد ما تشوفهم, قول لنا ف تعليق: ممكن تتزوج بيها؟

 

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: واضفاك؟

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…