مسلسل House of Cards ما غاديش يستمر — وفضيحة Kevin Spacey السبب الارجح

الموسم السادس غادي يكون آخر موسم


المسلسل الامريكي House of Cards وصل لاخر موسم حسب ما نشرت مواقع أمريكية. المسلسل اللي من إنتاج Netflix غادي يتوقف ف الموسم السادس, اللي بدا تصويرو فقط قبل 2 صيمانات.

الاعلان جا من بعد أقل 24 ساعة بعد فضيحة التحرش الجنسي بقاصر اللي كان نجم المسلسل, Kevin Spacey, بطلها الرئيسي.

ممثل ستار ترك Anthony Rapp اتهم, من خلال BuzzFeed, بطل المسلسل Spacey بالتحرش جنسيا بيه ف التمانينات, ملي كان عمرو فقط 14 سنة, وعمر كيفن 26 داك الوقت.

النجم الامريكي (58 سنة) خرج مباشرة موراها برد رسمي على كونطاتو ف الصوشل ميديا. قال فيه باللي ما عاقلش على تفاصيل الحادثة, لكن كيعتذر لأنثوني على دوك التصرفات اللي كانت تحت تأثير الكحول.

بالاضافة للاعتذار, Spacey ستغل الفرصة, وصرح ﻷول مرة بشكل صريح, أنه مثلي جنسيا وكانت عندو علاقات جنسية مع رجال ونسا طول حياتو.

ردود الفعل ورغم الاعتذار ما كانتش إيجابية.

بزاف اتهموه بمحاولة تحويل التركيز من التحرش الجنسي بقاصر لميولو الجنسية.

كاتب المسلسل, Beau Willimon, خرج حتا هو بتصريح وقال باللي ما لاحظ حتا حاجة سلبية ف تصرفات Kevin خلال خدمتهم مع بعضياتهم, لكن كياخد ادعاءات Rapp على محمل الجد وكيقدر شجاعتو وكيساندو.

الشركة المنتجة, Media Rights Capital, ونتفلكس خرجوا بدورهم بتصريح, قالوا فيه:

Media Rights Capital and Netflix are deeply troubled by last night’s news concerning Kevin Spacey. In response to last night’s revelations, executives from both of our companies arrived in Baltimore this afternoon to meet with our cast and crew to ensure that they continue to feel safe and supported. As previously scheduled, Kevin Spacey is not working on set at this time.

المسلسل على ما يبدو كان ديجا غادي لنهايتو, لكن قضية التحرش ف هاد التوقيت عجلت بالامر.

الموسم السادس والاخير غادي يتبث عام 2018. لحد الان التاريخ بالضبط مازال غير محدد.

هاوس أوف كاردز يعتبر أول Original show دارتو Netflix. كان عندو دور كبير ف دخول خدمة الستريمين لعالم الـ Originals.

 

 

عجبك المقال؟ Supportـينا بلايك لصفحتنا على الفيسبوك من هنا

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تيفي 📺

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…