3 مسلسلات مغربية كون تدارت ف الميريكان كانت تمشي بعيد

وتربح ف الـEmmys


عمرك تسائلتي علاش ما عندناش مسلسلات واعرة بحال الميريكان؟ غالبا ديجا سولتي راسك هاد السؤال, والجواب كان هو انه ما عندناش نفس الامكانيات المادية ديالهم.

وهذا أمر مفهوم جدا!

لكن بعيدا على مشكل الامكانيات, ماشي جميع المسلسلات المغربية عيانة من ناحية الكتابة والسيناريو. كاين مسلسلات, واللي بغض النظر على رداءة جودة تصويرها اللي ما فايتاش 480p, ف المستوى وكون تدارت ف الميريكان كانت تمشي بعيد.

من أبرز هاد المسلسلات كاين:

1. دواير الزمان

دواير الزمان من انتاج عام 2000. قديم شوية, لكن المسلسل يستاهل تعاود تتفرج فيه.

من بطولة فاطمة وشاي والمرحوم محمد البسطاوي. كيعاود قصة بوجمعة وكيفاش غادي يولي مهم من الزيرو, بحال Walter White ف Breaking Bad, غير بوجمعة غادي يولي طاشرون كيبني الديور ماشي كيصنع الميث.

المسلسل عامر بالكوميديا السوداء. وفيه تجسيد واقعي للمجتمع المغربي ومشاكلو. الاحداث كتمشي بتسلسل ومكتوب بدقة.

2. وجع التراب

وجع التراب مسلسل مقتبس من رواية الارض ديال الكاتب الفرنسي إيميل زولا. أحداثو كتدور ف العروبية ديال المغرب ومشاكلها.

من بطولة كذلك البسطاوي, اللي كيلعب دور شعيبة. الابن الاكبر ديال السي حمد.

المسلسل كيغلب عليه طابع البؤس. كون نتجاتو HBO ولا Netflix كان قطعا غادي يربح شي حاجة ف الـ Emmys ف صنف الدراما.

3. العين والمطفية

مسلسل من انتاج 2002. حتا هو مقتبس من رواية فرنسية. تحديدا  رواية  L’Eau des collines ديال مارسيل بانيول.

بحال وجع التراب, الاحداث كتدور ف العروبية بمشاكلها وحياتها اليومية.

 

شي مسلسل نسيناه؟ زيدو ف التعليقات!

خلي صوتك

1 نقطة
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تيفي 📺

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…