5 أنواع ديال الناس اللي كيتفرجوا ف المسلسلات

الهاردكور, الموسمي, واللي غير دايز!


حنا دابا عايشين ف ما يسمى الـ Peak TV, أ,و العصر الدهبي ديال المسلسلات التلفزيونية ف أمريكا. هاد الفترة بدات ف اواخر التسعينات وبداية الالفينات, نتيجة لتطور التكنولوجيا ووسائل التوزيع, ومازال مستمرة ليومنا هذا.

مع الانترنت, العالم كلو ولى قادر يتفرج ف أحسن ما كتنتج القنوات الامريكية. نتا مثلا كقارئ غالبا تفرجتي ف Breaking Bad, Game of Thrones, أو Narcos, أو ربمها فيهم كلهم.

ومادام راك كتتفرج ف المسلسلات, غادي تكون واحد من هاد الناس:

 

1. الهاردكور

هاد النوع المسلسلات عندو ماشي لعب, موضوع جدي لاقصى حد. يقدر يدير دكتوراه ف المسلسلات.

ف الغالب كيدوز على موسم ولا 2 دقة واحدة بدون توقف. كيطفي الضو ويسد الباب ويعتكف على المسلسل.

غالبا كيتفرج من التورنت وباللغة الاصلية. كيعرف جميع القنوات الامريكية اللي كتنتج المسلسلات.

2. الموسمي

تفرج ف Prison Break, تبعو ب Lost, ومن موراها Breaking Bad ودابا Game of Thrones.

ما كيهتمش بالتفاصيل بزاف. اللي داير البوز غادي يتفرج فيه باش يكتشف. المسلسلات بالنسبة ليه حاجة ترفيهية تانوية.

3. المتعصب

ايلا عجبو المسلسل صافي غادي يولي معاه ظالما أو مظلوما. كيولي المسلسل جزء من شخصيتو ومن المحرمات تهينو ولا تهضر عليه سلبيا.

ف الفيسبوك فينما كان شي بوسط ولا تعليق سلبي على المسلسل, غادي تلقاه تدخل بتعليق فيه 60 سطر كيحح الامور.

4. ديال نتفلكس

 

هذا اللي عندو كونط ف نتفلكس, يا اما شاريه يا إما مدبر فيه أونلاين. كيتفرج غير ف مسلسلات نتفلكس. المسلسلات ديال القنوات الاخرى ما كتيروش. ما عندهاش نفس ال

5. اللي غير دايز

غير سمع باللي المسلسلات شي حاجة زوينة وبغا يكتشف. غادي تلقا تعليقو كيسول على شي مسلسل زوين. ما عندوش شروط بزاف, اللي جا مرحبا.

 

آشمن نوع نتا من هذو؟

خلي صوتك

18 نقطة
Upvote Downvote

Total votes: 20

Upvotes: 19

Upvotes percentage: 95.000000%

Downvotes: 1

Downvotes percentage: 5.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تيفي 📺

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…