كل ما تحتاج معرفتو على مسلسل The Handmaid’s Tale

باش تقرر واش تتفرج ولا لا


البارح كان حفل جوائز الـ Emmy. الاوسكار ديال المسلسلات التلفزيونية إن صح التعبير. أكبر الفائزين كان مسلسل The Handmaid’s Tale, اللي ربح 5 جوائز ف صنف الدراما.

المسلسل ربح جائزة الـ Outstanding Drama Series. جائزة Outstanding Lead Actress in a Drama Series للبطلة Elizabeth Moss.

جائزة Outstanding Supporting Actress in a Drama Series لـ Ann Dowd, و جوائز Outstanding Directing for a Drama Series, و Outstanding Writing for a Drama Series.

The Handmaid’s Tale كان من بين أكبر الرابحين اللي صنعوا الحدث. هذا ملخص بسيط لقصة المسلسل باش تقدر تقرر واش تتفرج فيه ولا لا.

إنتاج شكون؟

ماشي من إنتاج نتفلكس. المسلسل من إنتاج Hulu. وسيناريو Bruce Miller بناءا على رواية بنفس الاسم من عام 1985 للكاتبة الكندية Margaret Atwood.

القصة؟

القصة ديال المسلسل كتدور حول نسخة Dystopian من الميريكان ف المستقبل. نسخة دكتاتورية وسوداوية من أمريكا.

وقعت كارثة نووية. نظام الحكم تقلب وشدوه متشددين مسيحيين, اللي غادي يديروا نظام دكتاتوري, ويقمعوا النسا ويمنعوهم من التعلم ولا القراية.

معدل الخصوبة, نتيجة للامراض الجنسية غادي ينخفض بشكل كبير, وغادي يوليو النسا اللي كيولدوا عملة صعبة كتتباع وتشرا عند صحاب السلطة.

Offred, بطلة المسلسل اللي كتقوم بدورها الممثلة Elizabeth Moss, غادي تكون من هاد النسا اللي غادي يتم اختطافهم لاستعمالهم ف التوالد من طرف Fred Waterford, واحد من الـ commandants ف النظام.

Offred ماشي سميتها الاصلية. June Osborne من بعد اختطافها غادي يغيروا سميتها الاصلية ويصنعوا منها نسخة جديدة مهتمها التوالد والسخرة ف قصور الناس ديال السلطة.

إسم المسلسل بسيط ويلخص أحداثو: قصة خدامة ف الديور.

شحال من موسم كاين؟

لحد الان كاين موسم واحد من 10 حلقات مدتها بين 47 دقيقة وساعة. أول حلقة premiered نهار 26 أبريل 2017 على Hulu.

رسميا, غادي  يكون موسم تاني عام 2018. مازال لك الوقت الكافي تتفرج ف الموسم الاول وتستمتع بيه في انتظار الموسم التاني.

التقييم؟

بالاضافة للجوائز اللي ربح, ف الـ IMDb تقييم المسلسل هو 8.7/10, من تصويت أكثر من 31 ألف مشاهد. 

 

سو, القصة interesting enough؟

 

خلي صوتك

4 نقطة
Upvote Downvote

Total votes: 4

Upvotes: 4

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تيفي 📺

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…