صفحة Durex Egypt: ملي الـ Marketing كيتلاقا بالابداع وخفة الدم!

أفضل الحملات الاشهارية ديالهم!


ف الوقت اللي الحملات الاشهارية أونلاين ف المغرب ركيكة وقليلة الابداع, ومعتمدة بشكل كبير على تمييع اللغة باش زعما يوصل للشباب, ف مصر الاشهار أونلاين واخد منحى أكثر إبداعا وتطورا من ناحية المحتوى.

هذا ماشي غريب على المصريين, اللي من ديما أكثر إبداعا من المغاربة ف مجال الكوميديا.

من أبرز الامثلة على الابداع ف الويب المصري كاين صفحة Durex الموجهة للجمهور المصري. الصفحة الرسمية لشركة الواقيات الدكرية Durex,  اللي مشهورة عالميا بابداع حملاتها الاشهارية.

الصفحة المصرية ماشي استثناء. الفريق المسؤول على الاشهار, ورغم أنه كيسوق منتوج اللي طابو لشعب محافظ ومتدين, قدر ينجح ف أنه يوصل رسالتو بطريقة دكية وقمة ف السخرية والطنز بلا ما يآذي صورة الشركة.

الصفحة من نهار تحولت للمصرية –كانت بالانجليزية ف اللول– وهي دايرة البوز مع كل بوسط ولا تصويرة كتلوح. محتواها كيتبرطاجا بغض النظر على اهتمام الزورا بالمنتوج ف حد داتو.

أغلب, إن لم يكن جميع, حملاتها الاشهارية عبارة عن جمل فيها تلاعب بالكلمات و references دكية وساخرة لحوايج ف التقافة المصرية المحلية. ميكس اللي كيعطينا نتيجة مبدعة غادي ترسم البسمة على وجهك بكل تأكيد!

مع كل مناسبة كيخرجوا بحملة إشهارية مناسبة. الصيف, الدخول المدرسي, تعويم العملة المحلية…كلشي عندهم ليه puns واجدة.

الفريق المسؤول على الباج ما كيكتفيش فقط بالنشر. ف مناسبات بزاف كيجاوب على التعليقات, أحيانا بمعلومات, وف أحيان أخرى بالطنز والـ jokes اللي كتناسب الرسالة اللي بغاو يوصولوا, بطريقة أقل ما يقال عليها Hilarious.

ما نكتروش عليكم الهضرة, هذي أكثر بوسطات ديالهم كنشوفو أنها creative وأبدعوا فيها بزاف:

 

ارخص من الليمون واحلى من الخيار الواحد ب3.5 وتعالى بص

 هنا Parody لداك الاشهار ديال بيريل:

هذا بمناسبة عيد وطني ف مصر:

وضروري من شوية ديال الرياضيات

والصيف, ما يمكنش ما تكونش حملة اشهارية خاصة بيه!

 

Bezzat, هي تلاعب بالتشابه ف النطق اللي كاين بين كلمات بالذات و بزات, اللي كتعني Boobs

خلّيك في الأمان عشان الصيف طويل وبيجوّع..

 

أما التعليقات, فنخليوكم تكتشفوا لراسكم:

خلي صوتك

13 نقطة
Upvote Downvote

Total votes: 15

Upvotes: 14

Upvotes percentage: 93.333333%

Downvotes: 1

Downvotes percentage: 6.666667%

كومنطي

تعليقات


المزيد ف: كرياتيف 💡

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…