باش تتجنب التسريبات, HBO غادي تصور عدة نهايات لـ Game of Thrones

ومازال ما كاينش تاريخ محدد للبث


المثل المغربي القديم كيقول الديب كتدوز عليه غير مرة واحدة وكيتعلم. HBO تعلمت الدرس من آخر تسريب لحلقات الموسم السابق.

رئيس البرمجة ف HBO, الشركة المنتجة للمسلسل, Casey Bloys أعلن عن خطة ضخمة لتجنب التسريب لحلقات الموسم الجديد, واللي غادي يكون الاخير من المسلسل.

Casey Bloys HBO
Frederick M. Brown/Getty Images

ف الموسم السابع, وكيفما عارفين الفانز ديال Game of Thrones, تقريبا جميع الـ plot تم تسريبو أونلاين. الشي اللي خلى بزاف ديال المعجبين يتوقعوا نفس المصير للموسم الجديد.

HBO ما كتلعبش. الـ finale هو أهم وأصعب جزء ف أي مسلسل. ف الموسم الجديد غادي يتم تصوير أكثر من ending للتشويش على الهاكرز اللي باغيين يسربوا النهاية. أكثر من سيناريو لنهاية المسلسل باش حتا ادا تم تسريب سيناريو يتم اللجوء للاخر.

“I know ‘Game of Thrones,’ the ending, they’re going to shoot multiple versions so that nobody really know what happens”, قال Casey Bloys لطلبة جامعة Moravian College.

ما كاينش تاريخ رسمي محدد و6 حلقات فقط

الموسم الجديد ديال Game of Thrones, رغم أنه مازال ما كاينش تاريخ رسمي محدد للبث ديالو, لكن يتوقع أنه يكون ف نهاية 2018 ولا بداية 2019.

وي, مدة طويلة بزاف للاسف ادا كنتي مدمن على المسلسل. الموسم التامن كذلك غادي تكون فيه فقط 6 حلقات.

على أي, هذي ماشي أول مرة شي مسلسل كيدير هاد التكتيك باش يتجنب التسريبات لاخر موسم.

ف المسلسلات الجديدة, AMC سبقلها صورت عدة لقطات ديال القتل مضللة لشخصيات مسلسل The Walking Dead.

أما ف المسلسلات القديمة, منتجي مسلسل Dallas, اللي كان كيتبث ف التمانينات, وخلال حلقة محورية ف المسلسل, صوروا جميع الشخصيات الرئيسية كتقوم باستعمال مسدس, اللي غادي يقتل شخصية J.R. Ewing.

هاد الحلقة, اللي سميتها Who Done It, تعتبر اليوم من أكثر الحلقات التلفزيونية مشاهدة على الاطلاق.

خلي صوتك

13 نقطة
Upvote Downvote

Total votes: 13

Upvotes: 13

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات

المزيد ف: تيفي 📺

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…