5 إختصارات ديال الشات عندها معنى مختلف للناس الانجلوفونيين

And confusing AF


المغاربة من ديما معروفين أننا عندنا مع اللغات الاجنبية. الانترنت المغربي اليوم مقسوم لـ 2 فئات. الفرنكفونيين والانجلوفونيين. الناس اللي كيستعملوا الانترنت بالفرنسية واللي كيستعملوه بالانجليزية.

طبعا اللي كيتسعملوه بالانجليزية كيبقاو أقلية ف الويب المغربي, لكن في ارتفاع مستمر بسبب الانفتاح على عالم المسلسلات والسينما, والاهم من هاد الشي كلو: الـ memes.

الاختصارات ف الشات فكرة زوينة. كيختصرو علينا الوقت والمجهود, لكن شي مرات كيوليو فقط عكز و confusing.

ادا كنتي كتستعمل الانترنت بالانجليزية لمدة طويلة, وتصادفتي مع هاد الكلمات ف الشات, فغالبا غادي تفهمها بشكل مختلف:

1. cc

الـ CC (كوكو) عندها معنى مختلف تماما عند الناس الانجلوفونيين, على حسب نتا وشنو اهتماماتك أونلاين.

ممكن تفهمها على أساس أنها رمز للـ Creative Commons, وممكن تفهمها على أساس أنها اسم Comedy Central.

ف كلا الحالتين الاختصار confusing بزاف ف اللول. أواه, آش جاب كومدي سنترال للهضرة ف نص الليل؟!

2. CV

هاد الاختصار عجيب فعلا. Ca va فيها فقط A, ماشي شي تمارة زعما.

CV ادا كنتي كتستعمل الانترنت بالانجليزية فغادي يمشي عقلك نيشان للسيفي, السيرة الداتية, الشي اللي غادي يخليك تتسائل: آش بغا إنسان يلاه عرفتو هذي 5 دقايق بالسيفي ديالي؟

المهم, ادا كنتي شي مرة صيفطتي السيفي ديالك كجواب على هاد السؤال, بلا ما تساين يتصلوا.

3. dsl

ديزولي, ولكن DSL عندها معنى مختلف تماما لأي واحد كيتسعمل الانترنت بالانجليزية. آخر حاجة ممكن يتخيلها الانسان هي أنها تكون أختصار للكلمة الفرنسية désolé.

الـ DSL بعيدا على اختصارات الشات هو نوع من الـ ADSL, داك الكابل (أو التكنولوجيا بتعبير أدق) اللي كيجيبلك الانترنت للدار باش تتكونطا بالويفي.

ادا قلتيها لشي واحد وجاوبك بشي حاجة تقنية غير مفهومة, فغالبا فهمها على أساس المعنى الانجليزي….dsl.

4. hmd

أغرب اختصار ف هاد اللائحة صراحة. 2 كلمات تختصرو ف 3 حروف.

آخر حاجة ممكن تتخيل كانسان (بغض النظر على اللغة باش كتستعمل الانترنت) من hmd هي تكون اختصار للحمد لله.

الانسان اللي غَير محتك بلغة الشات ولا أنجلوفوني, غادي يمشي عقلو بعيد ويبدا يحاول يفك سر هاد الاختصار العجيب, خصوصا ادا كان السياق مبهم شوية.

 

هذو مجرد أمثلة بسيطة. كاينين بزاف, share it with us!

خلي صوتك

-5 نقطة
Upvote Downvote

Total votes: 5

Upvotes: 0

Upvotes percentage: 0.000000%

Downvotes: 5

Downvotes percentage: 100.000000%

كومنطي

تعليقات


المزيد ف: ليستة 📋

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…