وفاة القط اللي خدم عمدة لهاد المدينة لـ 20 عام

والسكان في حداد خزنا عليه


لا, هذا ماشي عنوان مثير باش تكليكي. العنوان للأسف (لوفاتو) صحيح 100%.

السياسي عادة كيكون إنسان, وموتو قليل اللي كيحزن عليها من غير عائلتو, لكن  Stubbs إستثناء ف عالم السياسة.

عام 1997, بلدة صغيرة ف ألاسكا سميتها Talkeetna, ما لقاتش شكون يشغل منصب العمدة فيها.

المنطقة ما فيهاش سكان بزاف وحتا واحد ما ترشح.

المرشح الوحيد اللي لقاو, هو القط Stubbs, واللي جاب الاغلبية –طبيعي– وتم اختيارو كعمدة شرفي للبلدة.

ستابز, من نهار إختيارو, دوّز حياتو كلها في خدمة المواطنين بتفاني وإخلاص. ما تسجلت عليه حتا حالة اختلاس ولا سرقة للاموال العامة.

مسيرة سياسية قل نظيرها ف العالم!

لكن الشفافية ف السياسة ماشي كلشي عزيزة عليه للأسف. التماسيح والكلاب –ف حالتنا– ما كتعجبهمش.

ف 2013, كلب ديال الجيران هجم على العمدة وخلاه مصاب بجروح خطيرة, وغير متكي مسكين.

لحسن الحظ ستابز تعافى ورجع لحياتو السياسية, حتا مات مؤخرا نتيجة لتدهور حالتو الصحية نتيجة لكبر السن.

الخبر أعلن عليه المالك ديالو على الكونط تويتر ديالو:

ستابز خلال فترتو السياسية داز ف برامج تلفزية وجرائد وتشهر مزيان. رغم أنه, حسب السيد اللي مربيه, ما كانش عزيز عليه الاضواء والكاميرات.

العمدة كان ساكن ف محل سميتو Nagley’s. المالكين ديالو الجداد ملي شراوه كان من الشروط ستابز يبقا ساكن تم.

الخليفة ديال ستابز مازال مجهول لحدود الساعة, لكن هناك اشارات أن Denali –القط جارو– غادي يتولى المنصب.

هذا روبورطاج على العمدة قبل سنوات:

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

كومنطي

تعليقات


المزيد ف: كيوت 😍

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…