أغرب 7 قوانين في العالم!

7 أشياء ممنوعة عليك كسائح أو مواطن


العالم كبير ومخيف, وف نفس الوقت عجيب ومدهش, and will never cease to amaze you.

هذي لائحة بأغرب القوانين حول العالم:

 

1. تسمية ولادك أسماء عجيبة ممنوع ف الدنمارك

الدنمارك رغم أنها دولة متحررة وتقدمية, إلا أنها عندها شروط ولائحة بالاسماء اللي ممكن تسمي بيها ولادك.

عكس الميريكان مثلا اللي ممكن تسمي ولادك أي حاجة بغيتي. بدءا من أسماء الشهور حتا لأسماء البوكيمونات.

ف الدنمارك كاين فقط 7000 إسم مقبول اللي تقدر تختار منو. غيرو ما تقدرش!

2. ممنوع تتسلق الجبال ف سويسرا عريان

نورمالمون ف أوروبا تقدر تدير اللي بغيتي؟ Well, not really.

ف سويسرا ما تقدرش ف أغلب الكانتونات (التقسيم الجهوي ديالهم) تتسلق الجبال, اللي مشهورة بيها البلاد, ونتا عريان كما ولدتك أمك.

أول مرة غادي يتمنع الامر كان ف 2009 ف كانتون  Appenzell, من بعدما واحد الاسرة كانت دايرة picnic في سلام حتا خلط عليهم سائح ألماني عريان كما ولدته أمه!

ما عجبهمش الحال, والسلطات تدخلت.

3. ممنوع توكل الحمام ف ساحات البندقية

…والسلطات الايطالية ما كتضحكش ف هاد الشي!

غرامة تقدر توصل حتا ل 700 دولار أمريكي كتنتظر أي واحد غادي يعطي الماكلة للحمام ف ساحة Piazza San Marco, أو ساحة الحمام ديالهم.

السبب حسب السلطات الايطالية كيرجع لاسباب صحية كتتعلق بصحة الحمام. واللي بدورها كتشكل خطر على المعالم التاريخية.

الحمام خاصو ياكل ماكلة محددة باش تحافظ على صحتو وما تأثرش على المعالم.

4. ممنوع تلبسي الطالون ف اليونان

طبعا ماشي ف اليونان كلها, ولكن المناطق ديال المعالم التاريخية. النسا ممنوع عليهم يلبسوا الطالون.

القرار جا ف 2009 حيت الطالونات يقدروا يدمروا بعض المعالم اللي السلطت كتحاول تحافظ عليها.

باش تزوري هاد المعالم, حاصك تلبسي صندالة ولا اي صباط ما فيهش طالون.

5. ممنوع يتسالى لك المازوط وسط الـ autobahn

ألمانيا مشهورة بالـ Autobahn, لوطوروت اللي ما فيهش سرعة محددة واللي تقدر تجرب فيه حدود السرعة.

لكن قبل ما تدخل للاوطوبان تأكد باللي طونوبيلتك فيها ما يكفي من الوقود للمسافة اللي غادي تقطع, لانه ادا تسالى لك ف نص الطريق غادي يعرضك لغرامة من طرف البوليس.

السبب طبعا واضح, باش ما تسببش ف مشاكل مرورية وحوادث سير لا قدر الله.

الاوطوبان فيه السرعة غير محدودة, وآخر حاجة غادي تبغيها هي طونوبيل غادية بسرعة بطيئة قدامك.

6. ممنوع تبول ف البحر ف البرتغال

هو ف الواقع الانسان ما يحتاجش قانون باش ما يبولش ف البحر.ولا لا؟

ف البرتغال ممنوع تبول ف البحر. رغم انه ما كاين حتا وسيلة باش نشدو المجرم. ولكن اللي حص غادي يودي.

7. ممنوع تزطم على الفلوس ف التايلاند

التايلاند دولة ملكية اللي الملك فيها مقدس وشبه اله.

لذلك ممنوع تزطم على العملة المحلية (اللي سميتها Baht), لان فيها صورة الملك. بل انه واخا تزطم عن طريق الخطأ, التهمة تابعاك تابعاك.

خلي صوتك

5 نقطة
Upvote Downvote

Total votes: 5

Upvotes: 5

Upvotes percentage: 100.000000%

Downvotes: 0

Downvotes percentage: 0.000000%

كومنطي

تعليقات


المزيد ف: إكستريم!

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…