علاش جميع منتجات Apple كتبدا أسماءها بـ i؟

شنو السر يا ترى؟


سواءا كنتي an Apple boy ولا من مستعملي أندرويد, غادي تكون سامع أغلب منتجات الشركة وأسماءها.

منتجات آبل از افيريوير. آيفون, آيباد, آيماك, آيوص…الخ من الآيات. ولاو تقريبا جزء من اللغة اليومية.

إدا عندك دقة الملاحظة, غادي تكون ضروري ف نقطة ما من حياتك لاحظتي أن كاع المنتجات كتبدا بحرف واحد: حرف i.

وادا كنتي فضولي بحالنا, غادي تكون تسائلتي علاش بالضبط هاد الحرف وماشي y ولا c.

بحالك, حتا حنا تسائلنا وقلبنا ف Google, وبغينا نتشاركو معاك الجواب الي لقينا.

دخلنا أولا لـ Quora (كنصحوك تدخل), ومن تما بدات رحلة البحث ف الانترنت.

حرف i ماشي عشوائي ف اسم منتجات آبل وماشي جديد.

بدا أول مرة عام 1998 مع iMac, ثم تبعو ف العام التالي iBook, النسخة الاولى من MacBook, ثم ولى هوية الشركة من بعد.

حاليا آبل ما كتعطي حتا تفسير لداك الحرف الموجود ف كل منجاتها.

لكن التفسير الوحيد الموجود كيرجع لعام 1998 من فيديو تقديم الايماك, فحسب مقدمة المرحوم Steve Jobs:

Even though this is a full-blooded Macintosh, we are targeting this for the number one use that consumers tell us they want a computer for, which is to get on the internet, simply, and fast.

And that is what this product is targeted for.

من بعد هاد الكلمات, slide بان ف الخلفية مكتوب فيه خمسة كلمات كتبدا بنفس الحرف: internet, individual, instruct, inform و inspire, قبل ما يمكل هضرتو ويقول:

’i’ also means some other things to us.

We are a personal computer company, and although this product is born to network.

It also is a beautiful stand-alone product. We are targeting it also for education.

وبالتالي, من خلال كلام ستيف, حرف i بدا كإشارة للانترنت, اللي كان الهدف الرئيسي ديال الشركة من الجهاز.

وبدرجة تانية, إشارة لحوايج اخرى بحال الفرد, التعليم, الاطلاع, والالهام. الحوايج اللي كتشوفهم الشركة مهمة.

خلي صوتك

0 نقطة
Upvote Downvote

Total votes: 4

Upvotes: 2

Upvotes percentage: 50.000000%

Downvotes: 2

Downvotes percentage: 50.000000%

كومنطي

تعليقات


المزيد ف: تك

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…