باش تحتفل بتخرجو: أم أمريكية جابت دبي لولدها ب 25 ألف دولار

حديد, بنات, وحتا جمال ورملة!


أم أمريكية لقات طريقة غريبة باش تصيفط ولدها المراهق لحفل التخرج, الـ Prom. اللي هو بمثابة حفل النجاح ف الباك.

ولأن حفل التخرج هو أهم نهار ف حياة أي تلميذ أمريكي. كل أسرة كتبغي ولدها يدوزو بأحسن طريقة ممكنة.

أم أمريكية من ولاية فيلادلفيا مشات ﻷبعد حد ممكن, صرفت على ولدها 25 ألف دولار أمريكي. أي أكثر من 25 مليون سنتيم مغربي, باش البروم يكون بحال شي لقطة من قصص ألف ليلة وليلة.

المراهق مشا للتانوية مع 3 ديال بنات “مكرييين” بلباسهم بماكياجهم. 2 جمال (بعير) و 2 طونوبيلات فاخرة: لامبورغيني ورولز رويس!

السبب؟ الام ديالو, اللي إسمها Saudia Shuler قالت باللي بدل ما تصيفط ولدها الوحيد لدبي, جابت لو دبي حتا لعندو.

3 أطنان ديال الرملة, بالاضافة ل3 بعير, تم نقلهم للحي فين ساكن ولدها Johnny Eden Jr. من أجل أخذ التصاور.

مادام سعودية عانات من السرطان ف حياتها, ونجت من سكتة دماغية ف الماضي, لذلك بغات تخلي حفل تخرج ولدها نهار تاريخي قبل ما تموت.

هذو تصاور الحفل من الكونط أنستاغرام ديال الولد, صحاب الباك المغاربة (أو من باقي المغرب الكبير) لا ينصح بأنهم يشوفوا هاد الشي:

وطبعا بما أنه ف الميريكان ودار البوز. الاعلام المحلي غطا الحدث, و Johnny Eden Jr. دار حوارات مع قنوات بزاف. الشي اللي ماشي بعيد يضبر ليه ف شي منحة دراسية ف شي جامعة مزيانة!

المصدر: بزنس انصايدر

خلي صوتك

5 نقطة
Upvote Downvote

Total votes: 5

Upvotes: 5

Upvotes percentage: 100.000000%

Downvotes: 0

Downvotes percentage: 0.000000%

. .

كومنطي

تعليقات


المزيد ف: كرياتيف 💡

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…