هذا ترتيب دول المغرب حسب عدد مستعملي الانترنت

المغرب ف المرتبة 1!


هذا ترتيب دول المغرب حسب عدد مستعملي الانترنت

ف 31 دجنبر من عام 2000, كان عدد مستعملي الانترنت ف المغرب لا يتجاوز 100 ألف واحد. عند عدد ديال الناس محدود, واللي نقدرو نقولو عليهم أنهم ناس Privileged.

16 عام من بعد, ف 2017, عدد مستعملي الانترنت ف المغرب فات 20 مليون مستعمل ب 207 ألف.

اليوم أغلب المغاربة عندهم اكسس للانترنت بطريقة أو بأخرى. من كل الطبقات والمناطق والأعمار. الانترنت ما بقاش حكر على فئة من دون أخرى.

دخول مودمات الجيل التالث, 3G, ساهم بشكل كبير ف رفع نسبة التحاق المغاربة بالانترنت.

هذا قبل ما تجي موجة السمارتفونات ف السنين الاخيرة وتزيد تعلي النسبة الى أقصى درجاتها محليا.

نفس التجربة اللي عرفها المغرب خلال الالفينات عرفتها الدول المجاورة لينا بدرجة أقل.

النسبة المئوية ديال عدد مستعملي الانترنت –من مجموع الشعب– ف المغرب هي الاعلى مغاربيا. وكتتبعنا تونس ف المرتبة التانية, ثم الدزاير, اللي يبدو مازال متأخرة علينا.

هذا ترتيب الدول المغاربية من حيث عدد مستخدمي الانترنت, والنسبة اللي كيشكلوها من مجموع السكان, أو الـ Penetration (% Population).

1. المغرب

عدد مستخدمي الانترنت: 20 مليون و 207 ألف

نسبة مستخدمي الانترنت من مجموع السكان: 57.3%

2. تونس

عدد مستخدمي الانترنت: 5 ملايين و 800 ألف

نسبة مستخدمي الانترنت من مجموع السكان: 50.5%

3. الجزائر

عدد مستخدمي الانترنت: 15 مليون و 105 ألف

نسبة مستخدمي الانترنت من مجموع السكان: 36.8%

4. ليبيا

عدد مستخدمي الانترنت: 2 مليون و 800 ألف

نسبة مستخدمي الانترنت من مجموع السكان: 43.7%

5. موريتانيا

عدد مستخدمي الانترنت: 700 ألف

نسبة مستخدمي الانترنت من مجموع السكان:16.7%

شمال إفريقيًا, مصر فيها 34 مليون و800 ألف مستخدم للانترنت. أكثر من سكان المغرب, لكن هاد الرقم كيشكل فقط 36.5% من عدد السكان ديال البلاد.

إفريقيًا, أغلب الدول جنوب الصحراء نسبة مستعملي الانترنت فيها قليلة بزاف, باستثناء دولة واحدة: كينيا, اللي 77% من سكانها الـ 48 مليون مكونكطيين وعندهم أكسس للانترنت (الـ 3G تحديدا), وبالتالي كتكون أول دولة إفريقية من ناحية عدد مستخدمي الانترنت, الشي اللي خلاها ملقبة بالـ Silicon Savannah, السيليكون فالي ديال إفريقيا.

ف نيووز. قريبا غادي نكتبو مقال على السيليكون سافانا, لانه ظاهرة مثيرة للانتباه بزاف.

المصدر: internetworldstats

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: ليستة 📋

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…