5 كتب Bill Gates باغيك تقراهم صيف 2017

باش تشوف العالم من وجهات نظر جديدة!


5 كتب Bill Gates باغيك تقراهم هاد الصيف

بيل گيتس،و من لا يعرفه. مؤسس ميكروسوفت و رجل أعمال ناجح.
ثروتو كتقدر ب 79,8 مليار دولار أمريكي ،آييه نعاماس دولار، و عندو حتى مؤسسة كتختص ف الأعمال الخيرية، هو و مراتو. 
المؤسسة سميتها “بيل و ميلندا غيتس”.
فوق هادشي كامل، بيل عندو معدل ذكاء كيعادل 160، و اللي كيتعتبر معدل عالي، بحيث شخص واحد فقط على 11307 عندو هاد المعدل.
شخص غني، ذكي،و ذو مبادئ، أكيد غادي تبغي تكون بحالو.
نقدرو نعاونوك شوية،و غادي تكتشف معانا لائحة بالكتب اللي كينصحكم بيل تقراو هاد الصيف:

1. Born a Crime من تأليف Trevor Noah

بيل fan كبير ديال The Daily Show من أيام جون ستوارت. من خلال البرنامج كتشف الكوميدي الجنوب إفريقي لأول مرة.

ف اللول ما كانش كيقلب على كتاب جدي على مشاكل العالم السياسية والاجتماعية, لكن كتاب نواه جذبو.

نواه تولد ف جنوب إفريقيا من أم كحلة وأب أبيض ف عز الابارثايد العنصري. وجودو ف حد داتو, كيفما كيقول ديما, كان جريمة.

الكتاب عبارة عن قصص من طفولة نوّاه بطريقة كوميدية. الكتاب مناسب للي بغا يتعرف على نظام الابارثايد من مواطن جنوب إفريقي وبطريقة ساخرة وبلغة بسيطة ماشي عامرة بمصطلحات سياسية.

3. The Heart من تأليف Maylis de Kerangal

الرواية الوحيدة ظمن اللائحة, وقراوها على مسؤوليتكم, لأن بيل كيحذركم من البكاء.

الرواية كتدور حول شاب تم إعلان وفاتو دماغيا من بعد حادثة سير مفاجئة بالصباح بكري. والديه قرروا يتبرعوا بقلبو من أجل إنقاذ حياة مرا قريبة تموت.

المثير ف الرواية, واللي ثار بيل, هو أنها مكتوبة من عدة زوايا. من زاوية الاباء, والاطباء. كل واحد كيفاش شايف الامور.

الكاتبة فرنساوية, وهذي النسخة الانجليزية. النسخة الاصلية سميتها: Réparer les vivants.

3. Hillbilly Elegy من تأليف J.D. Vance

هيليبيلي ف التقافة الامريكية كتعني, تقريبيا, العروبي الدمدومة.

داك الشخص اللي عايش ف منطقة بعيدة على المدن ودكاؤو محدود. و الـ Elegy ف الادب الانجليزي هي قصيدة رثاء حزينة عادة على شي واحد مات.

 J.D. Vance, اللي تزاد وكبر ف مدينة صغيرة, كيعاود ف هاد الميموار على حياتو وطفولتو مع جداتو, نظرا لان مّو كانت مدمنة

ديال المخدرات.

من خلال القصة,  J.D. Vance كيحلل المجتمع الامريكي الابيض الفقير والتغيرات اللي كتوقع فيه, واللي لعبت دور ف فوز ترامب برئاسة أمريكا.

قصة مثالية للتعرف على الحياة ف المدن الامريكية الصغيرة البعيدة على مراكز القرار ف أمريكا.

4. Homo Deus من تأليف Yuval Noah Harari

بيل گيتس ماشي أول مرة يقرا لنوّاه هاراري, العام اللي فات قرا كتابو Sapiens: A Brief History of Humankind.

نوّاه هاراري مؤرخ إسرائيلي, ولكن ماشي أي مؤرخ.

كيهتم بشكل أولي بتاريخ الجنس البشري ككل, الـ Homo Sapiens, وكيفاش تطور حتا وصل لهنا.

ف كتابو اللي قراه بيل گيتس العام اللي فات ونصحنا نقراوه.

عطا تاريخ مختصر للجنس البشري من النقطة الصفر حتا ليومنا هذا.

ف كتابو الجديد رجع باش يعطي رأيو ورؤيتو للمستقبل وفين كيشوف الجنس البشري غاي يوصل.

“كيتنبأ بمستقبل ممكن فين نخبة صغيرة غادي تطور نفسها باستعمال التكنولوجيا الحيوية والهندسة الجينية, وتخلي موراها العامة من الناس, وتنشأ جنس شبيه بالالهة كيفما كيشير عنوان الكتاب. مستقبل اللي الدكاء الصناعي كيعرفنا حسن من راسنا, وفين دوك اللي كيشبهوا للالهة والروبوتات الفائقة الدكاء غادي يشوفوا باقي البشرية زايد ناقص.” كتب بيل گيتس ف الريفيو ديالو للكتاب.

قبل ما يضيف “أنا متفائل كتر منو, هاد المستقبل غير مهيأ”

5. A Full Life من تأليف Jimmy Carter

جيمي كارتر ما معروفش بزاف للناس اللي ماشي مهتمين بالسياسة.

كارتر كان رئيس للولايات المتحدة الامريكية من 77 لعام 81. كأي رئيس غادي يكون كتب عدة كتب ف حياتو.

A Full Life: Reflections at Ninety عبارة عن سيرة داتية ديال جيمي كارتر من بعد عيد ميلادو التسعين, فيها خواطر ديالو.

جيمي كارتر تولد ف أسرة مزارعة ف دار ما داخلهاش الما. هاد الخلفية, اللي مختلفة كليا على بيل, لعبت دور كبير ف قرارات جيمي ف البيت الابيض.

خلي صوتك

2 نقط
Upvote Downvote

Total votes: 2

Upvotes: 2

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: ليستة 📋

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…