هاد البوليسية الهولندية لبست الحجاب, باش تتضامن مع المسلمات

اللي ممنوعات من ارتداء الحجاب خلال خدمتهم


© Esmaa Alariachi

سكان منطقة Osdorp من العاصمة الهولندية تفاجئوا نهار السبت اللي قات ببوليسية هولندية لابسة الحجاب.

وسائل الاعلام ف اللول ظنت باللي السيدة, اللي تصوروا معاها بزاف ديال المسلمين, مسلمة. لكن بعد التحري بان أنها هولندية ماشي مسلمة, ودارت هاد الفعل فقط باش تتضامن مع المسلمات اللي خدامين ف البوليس ف هولندا.

© Esmaa Alariachi

قصتها نتشرت ووصلت للقناة الرسمية الهولندية اللي غطت الحادث ف موقعها الرسمي.

سبب الفعل؟

حسب أسماء العرياشي (أو الارياشي, إسمها بالهولندية هو Esmaa Alariachi), المقدمة الهولندية اللي تشهرت ببرنامجها Meiden van Halal (بنات الحلال) قالت باللي قرار البوليسية جا فقط باش تشوف ردة فعل الشارع, من بعد ما صرح رئيس البوليس ديال أمستردام باللي ناويين يفتحوا حوار حول الغاء منع الحجاب ف الشرطة.

المسلمات اللي خدامات ف البوليس ف هولندا ممنوعات من ارتداء الحجاب خلال خدمتهم.

هولندا كتتجاود فيها نسبة مهمة من الجالية المسلمة, خصوصا المغاربة والاتراك.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: واو! 😮

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…