6 حقائق منتشرة بزاف ولكن غالطة تماما

وأغلب البشر مصدقينها!


كاينة بعض المعلومات اللي كلنا سمعناها كتكرر بزاف لدرجة ولات جزء من حياتنا وتقافتنا. معلومات اللي لانها تكررت بزاف عمرنا ما فكرنا واش حقيقية ولا لا.

ف نيووز. جمعنا لكم 5 أكثر المعلومات الغالطة شيوعا ف العالم:

1. نيوتن كتاشف الجاذبية ملي طاحت عليه تفاحة

الاسطورة كتقول أن نيوتن كان جالس ف الجردة ديال دارو –حيت الجامعة كانت مسدودة بسبب الطاعون–, طاحت تفاحة على راسو, وفجأة كتشف مفهوم الجاذبية!

بون, التفاحة كاينة, ولكن ماشي بهاد الطريقة.

مصدر المعلومة قصة قديمة عمرها 60 عام, كان كيعاودها نيوتن للزملاء ديالو على تصادف سقوط تفاحة, مع تفكيرو ف علاش التفاح كيطيح بالضبط ف اتجاه الارض.

مفهوم الجاذبية كان ديجا ف راس نيوتن وكيفكر فيه مرارا. التفاحة جات من بعد وما عندها حتا دور. 

2. نابوليون كان قصير

كتب التاريخ والاعلام ديما كيصوروا لنا نابوليون على انه كان قصير بزاف, وطولو مشكلو عقدة نفسية.

طول نابوليون حسب كتب التاريخ كان لسنين هو 160 سنتمتر.

حسب الـ BBC, طول نابوليون بونابرت الحقيقي كان هو 168 سنتيمتر. طبعا ما طويلش بزاف, ولكن كان أطول من المعدل ف فرنسا داك الوقت, وأطول حتا من ساركوزي وميدفيدف وبرلسكوني اليوم.

طولو من المستبعد جدا أنه يكون شكل أي تأثير على شخصيتو.

3. أبراهام لينكلن دار الحرب الاهلية باش يحرر العبيد

شنو كان سبب الحرب الاهلية الامريكية؟ الجواب معقد شوية, ولكن ماشي “تحرير العبيد” بهاد البساطة. هذي فقط معلومة مغلوطة.

أبراهام لينكولن ما أعلنش الحرب باش يحرر العبيد, بل باش يحافظ على وحدة الاتحاد لان الولايات الجنوبية كانت باغية تنفصل وتشكل دولة بوحدها.

أبراهام لينكولن قال ف رسالة ل New York Tribune عام 1862 باللي كون تعطاه الخيار يحافظ على وحدة الاتحاد وتحرير العبيد, كان غادي يختار الحفاظ على وحدة الاتحاد.

على أي, لينكولن كان فعلا ضد العبودية. لكن رأيو الشخصي ما كانش هو سبب اعلان الحرب الاهلية.

4. ماشي ماري انطوانيط اللي قالت “ياكلوا الحلوى ايلا ما كانتش الخبز”

 

جون جاك روسو, اللي كتب هاد الجملة وشهرها, ما حددش اسم الاميرة اللي قالتها. لكن الشائع هو أن ماري أنطوانيط اللي قالتها نظرا لانها تزامنت مع الثورة الفرنسية.

Lady Antonia Fraser, كاتبة بريطانية, كتشوف أن ماري أنطوانيط كانت أذكى من أنها تقول هاد الجملة.

الجملة ديجا تنسبت لملوك بزاف تاريخيا, من جميع انحاء العالم وبتعابير مختلفة.

5. الانسان أصلو قرد

ادا كان الانسان أصلو قرد, علاش مازال كاين القرود؟

لانه ببساطة نظرية التطور ما كتقولش ان الانسان أصلو قرد. النظرية كتقول ان الانسان الحالي والقردة الحالية تطوروا من أصل مشترك قبل مئات الاف السنين.

القرود اللي كاينين دابا حتا هوما تطوروا وتغيروا مع الوقت حتا وصلوا للشكل الحالي كيفما تطور الانسان وتغير.

سواءا أمنا بقصة آدم وحواء ولا التطور, أصل الانسان من القردة ما عندو حتا دليل. مجرد معلومة غالطة.

6. ما كايناش الجاذبية ف الفضاء

كاين الجاذبية ف الفضاء, فقط ضعيفة مقارنة بالارض.

بلا جاذبية القمر والاقمار الصناعية ماغاديش يدوروا حول الارض. الجاذبية الضعيفة هي اللي مخلياهم كيدوروا ف مسافة مناسبة.

خلي صوتك

8 نقطة
Upvote Downvote

Total votes: 8

Upvotes: 8

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: ليستة 📋

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…