ويكيبيديا زادت الخرائط, وتقدر تخدمهم بلا أنترنت!

من اليوم ماغاديش تزيد تتلف!


العنوان طبعا فيه غلط. ويكيبيديا مجرد مشروع من مشاريع بزاف ديال مؤسسة ويكيميديا. المؤسسة اللي مشرفة عليهم كلهم, بما فيهم ويكيبيديا.

ويكيبيديا مشروع هدفو انشاء موسوعة مجانية ومتجددة للبشرية, ماشي الخرائط.

غالبا غادي يكون سبق لك تلفتي ف شي مدينة برانية, وما عندك لا 3G لا شي ويفي قريب باش تخدم Google Maps.

لحسن الحظ, مؤخرا ويكيميديا أضافت خدمة الخرائط التفاعلية لمشاريعها, من بينهم Wikipedia و Wikivoyage, وسماتها Wikimedia Maps.

المشروع مازال بيطا ف المرحلة التجريبية.

الخرائط المستخدمة مصدرها مشروع  OpenStreetMap البريطاني, اللي حتا هو مشروع مفتوح المصدر, تعاوني, وفابور للجميع. الهدف ديالو انشاء خرائط تفاعلية مجانية بطريقة تعاونية من مستخدمي الانترنت. تقريبا نفس هدف ويكيميديا ومشاريعها.

وبحال ويكيبيديا, وباقي مشاريع ويكيميديا اللي مجانية ف جل شركات الاتصالات ف المغرب, خرائط OpenStreetMaps اللي كتبان ف ويكيبيديا حتا هي تقدر تدخل ليها مجانا وواخا ما تكونش مشارجي 3G. تحتاج فقط تأكتيفيها والخرائط غادي تبان لك.

 المثير هو أن الخرائط ديال ويكيميديا ما فيهمش الخط الفاصل ف الصحرا, وفيهم أسماء المناطق المغربية بالعربية, الحروف اللاتينية, بالاضافة لحروف تيفيناغ الامازيغية.

أي واحد يقدر يستعمل الخرائط ديال OpenStreetMap  ف مشروعو, بشرط الاشارة للمصدر أسفل الشاشة.

الخرائط تقدر تشوفهم ف تلفونك ولا ف البيسي ديالك عن طريق تفعيل الـ 3G (واخا ما تكونش مشارجي) وتمشي للموقع maps.wikimedia.org .

خلي صوتك

1 نقطة
Upvote Downvote

Total votes: 1

Upvotes: 1

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…