10 حوايج عمرك تقولهم لشي بنت أونلاين!

NEVER EVER!


الفيسبوك والواتساب ولاو اليوم هوما الوسيلة الاولى للدايتين –Dating– وربط العلاقات بين الجنسين.

عصر تتبع البنت 10 كيلومتر ف الشمش على طول الشارع باش تقولك سميتها ولّى الى غير رجعة (لحسن حظنا), اليوم بكليك بسيط ممكن تعرف رأي البنت ف الاحتباس الحراري والمشكل النووي الكوري, فما بالك باسمها ولا فين كتسكن.

لكن هاد التورة التكنولوجية للاسف ماشي كلشي قادر يستافد منها بأحسن طريقة. كاين تصرفات اللي كتتدار وكتقتل أي علاقة قبل حتا ما تبدا.

ف نيووز جمعنا لكم 10 تصرفات البنات ما كيحملوهاش أونلاين, و بمجرد ما كتديرها كتكون أمالك هبطت رسميا للزيرو:

1. ما تصيفطش تصاور العضو الدكري ديالك! Never!

أوكي, نكونو صرحاء, لا شكل لا حجم كيحمّر الوجه, لذلك ستر ما ستر الله.

تصاور عضوك الدكري ما عندهم حتا فائدة بأي شكل من الاشكال. مجرد بشاعة بصرية فقط كتعمر بيها إنبوكسات البنات. واش كتظن غادي تطيح فيك البنت بسبب تصويرة **ك؟ واش راك صافا ف راسك؟

 2. تقول ليها حبيبة أو bébé و نتا أول مرة كتهضر معاها

أول مرة كتهضر مع بنت كتعجبك،خاصك تكون محايد، هاديك “حبيبة” قولها ليها يلا تصاحبتو. ف اللول خلّيك رزين وبعقلك. كلمات بيبي وحبية كتبيّنك Creepy AF, وهذي حاجة سلبية بزاف.

 3. تسوّل بزاف، خصوصا الأسئلة الشخصية

من الأحسن تفادى كثرة الأسئلة، كلشي غادي تعرفو مع الوقت. الاسئلة بزاف مزعجة خصوصا ايلا كانت العلاقة مازال سطحية بزاف. تبغي نتا اللي يفرعلك راسك بكترة الاسئلة؟

4. تهضر على راسك بزاف, و بالتفاصيل, خصوصا يلا ما سولاتكش هي

خليك غامض شوية، البنات معندهمش مع الرجال اللي فيهم الهضرة بزاف، يلا مسولتكش هي، من الاحسن تبقا ساكت. الغموض راه سكسي. وايلا ما كانتش مهتمة بيك بلا ما تفرع لها راسها بحياتك الشخصية. She simply doesn’t care.

5. الجملة الشهيرة “ندوزو للواتساپ؟ المسنجر ثقيل!”

اوكي، بغيتي نمرتها، من حقك, و لكن هاد القضية ديموضات شوية. كون صبور، و إيلا توطدات العلاقة بيناتكم, سواءا كانت صداقة و لا علاقة عاطفية، راك غادي تقدر تقولها ليها عادي وديريكت، بلا قوالب وتمثيل.

6. تعيط لها ف التلفون بلا اذن

خديتي النمرة, برافو! ولكن ماشي تصدعها بالمكالمات ف نص الليل والناس ناعسين.

طبعا غادي تجاوبك وتهضر معاك وتضحك, البنات ما كيعرفوش يقولوا “لا”, ولكن بينها وبين راسها راه هاد الشي annoying AF.

عيط آه, ولكن ف وقت مناسب وملي تكون هي باغية ومسالية, ولا كاع خليها هي تعيط لك, ومن حقك حتا نتا تجاوب ولا تقطع داك الساعة.

7. “سيفطي تصاورك نشوفك”

هاد الجملة مزعجة, خصوصا إيلا كانت دايرة تصاورها ف فايسبوك ولا انستغرام، شوفهم تماك آ صاحبي، راك ما محتاجش تقوليها تسيفط ليك صور آخرين. التصاور الشخصية كيجيو مع الوقت ملي تتوطد العلاقة وتضصرو على بعضياتكم.

8. تطلب منها تلاقاو بإلحاح

هكا كتبان

مالك زربان؟ خود وقت بعدا عرفو بعضياتكم شوية!

الالحاح بزاف كيبيّنك محتاج ومشتاق, الشي اللي حتا هو creepy. خليك شوية تايق ف راسك وغامض. “يتمنعن وهن الراغبات” غير أشاعة.

 9. عندااااك تقول ليها “send nudes

 أوكي, كاين البنات اللي ما عندهمش مشكل يصيفطوا لك النوودز, ولكن نتا كتحاول هنا تتعرف على بنت كتعجبك وما كتعرفهاش شخصيا, هاد الجملة ما عندها حتا معنى ف السيناريو ديالنا. ماشي كاع البنات عندهم هانية.

غالبا البلوك كيتسناك.

10.  اطراءات ذات طابع جنسي

 البنات عزيز عليهم الاطراء، ولكن ف حدود، لا داعي تفوت الحدود معاها، و إلا غير نساها. حيت نتا هنا ماشي ف بورديل.

هاد الشي مجرد عينة, كاين بزاف, اللي عندها حوايج أخرى مزعجة تخليها ف الكومنتس!

خلي صوتك

10 نقطة
Upvote Downvote

Total votes: 18

Upvotes: 14

Upvotes percentage: 77.777778%

Downvotes: 4

Downvotes percentage: 22.222222%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات

المزيد ف: كوپل 💑

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…