هاد الكوبل 3 صيمانات وهوما كيتسلقوا Everest, فين داروا عرسهم

وتصاورهم قمة ف الروعة!


خلونا نكونو صرحاء, أغلب الكوبلات كيحلموا بعرس فيه الجوق والعمارية والتكاشط المزركشة والغرامة حتا للربعة ديال الصباح, وحتا هذوك اللي ما عندهمش مع التقاليد, كيحلموا بعرس فيه لبسة بيضا وكيسن الشمبانيا ف قاعة مع الاصدقاء والحباب.

بون, ماشي كلشي كيفكر هكا, أو على الاقل هاد الكوبل الامريكي من كاليفورنيا.

Ashley Schmeider و James Sisson, عمرهم على التوالي 32 و 35 عام, كانت عندهم فكرة غريبة للاحتفال بأهم نهار ف حياتهم.

الكوبل الامريكي دوّز عام كيخطط لعرسهم, واللي قرروا أخيرا يكون على أعلى قمة ف العالم, بالضبط على إفرست بالنيبال. 9 كيلومتر فوق سطح البحر!

ف مارس اللي فات حطاتهم الطيارة ف النيبال مرفوقين بالمصور Charleton Churchill, اللي غادي يوثق المغامرة وياخد تصاور عرسهم.

الكوبل وصديقهم المصور, من بعد الاستراحة, بداو مغامرتهم ودوزا 3 صيمانات كيتسلقوا الجبل –اللي جوّو مختلف تماما على جو كاليفورنيا المشمش اللي مولفين بيه– قبل ما يوصلوا ل Base Camp Everest, فين غادي يقولوا وعودهم لبعضياتهم ويديروا العرس… من بعد ما دازوا طبعا من ظروف صعبة ف الطريق ومرضوا وتجمدوا ف درجات حرارة تحت الصفر مع بعضياتهم.

المصور طبعا ما بقاش جالس, شارلتن وثّق الرحلة خطوة بخطوة بكاميرتو, وخدا تصاور ديال العرس والبوسة, اللي ما يمكن لنا الا نقولو عليها أنها رائعة (كنقصد الصور, ولكن حتا البوسة كانت زوينة 😉 ).

هذا كونط المصور على instagram, فين تقدروا تلقاو تصاور أخرى ديالو, وديال الرحلة.

وأخيرا جات اللحظة اللي داير عليها الفيلم 😍😍

وهذي ف الطيارة راجعين بحالهم للميريكان!

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: كوپل 💑

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…