دراسة علمية: البيرة تخفف الالم أحسن من دوليبران

إشربوا تصحوا 🍻


ملي كيضرك راسك, الحاجة اللولى اللي غادي تفكر فيها هي الـ paracetamol, اللي كيتسوق ف المغرب, وكنعرفوه, تحت إسم دوليبران.

البارسيتامول هو  دوا مسكن للالم وخافض للحرارة, من أكثر الادوية استعمالا ف العالم وتقدر تشريه بلا وصفة الطبيب من أي صيدلية, أو حتا حانوت/سوبرمارشي.

حسب دراسة تنشرت مؤخرا ف The Journal of Pain, الدوليبران ماشي هو أحسن مخفف للالم. كاين ما أحسن! البديل, حسب الدراسة اللي تدارت ف جامعة غرينيتش ببريطانيا هو البيرة.

وي البيرة كتقلل الالم أحسن من الدوا!

الدراسة لقات باللي شرب 2 pints, الوحدة ديال قياس البيرة ف بريطانيا واللي كيساوي تقريبا 1 لتر وربع, يقدر يقلل نسبة الاحساس بالالم بالربع.

الدراسة لقات كذلك أن البيرة كتعلي بشكل طفيف عتبة الالم (Pain Threshold) واللي هي هذاك الحد اللي كيبدا فيه الانسان يحس بالالم عند أي Stimulus. مثلا ملي كتضرب صبع رجلك الصغير مع السداري, ما كتحس بالالم حتا كيفوت الالم داك العتبة.

وحسب نفس الدراسة, رفع نسبة الكحول ف الدم ل 0.08% كيعلي نسبة مقاومة الالم أحسن من الـ paracetamol. أو الدوليبران كيفما معروف ف المغرب.

لقينا أدلة قوية أن الكحول مخفف للألم فعال” كيقول الدكتور Trevor Thompson, اللي أشرف على الدراسة.

قبل ما يضيف: “نقدرو نقارنوه بالادوية الافيونية بحال الـ codeine, والفعالية أقوى من الـ paracetamol.”

وحنا بدورنا كنقولو لكم: بصحتكم! (ولكن بمسؤولية طبعا)

خلي صوتك

-1 نقطة
Upvote Downvote

Total votes: 1

Upvotes: 0

Upvotes percentage: 0.000000%

Downvotes: 1

Downvotes percentage: 100.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: صاينص، بيتش! 🔬

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…