كتاخد سلفيات بزاف؟ اذن كتشوف راسك أجمل بشكل مبالغ فيه!

You are actually ugly


الناس اللي كياخدوا سلفيات بزاف أكثر ميلا لأنهم يشوفوا راسهم أجمل بشكل مبالغ فيه, حسب ما كشفت دراسة جديدة.

الباحثين ف جامعة تورونتو ف كندا درسوا 198 طالب جامعي, 100 منهم صرحوا أنهم كياخدوا سلفيات بانتظام.

كل مشارك تطلب منو ياخد سيلفي بكاميرة تلفونو, بالاضافة لصورة ياخدها ليه شخص آخر.

الباحثين من بعد طلبوا من المشاركين يعطيو تقييم للتصاور, باش يحددوا شحال جذابين وشحال غادي تعجب صحابهم في حال ما تم رفعها لمواقع التواصل الاجتماعي.

التصاور تم كذلك تقييمها من طرف 178 شخص أجنبي, اللي تم سؤالهم حول شحال جذاب وأناني ف رأيهم كيبان الشخص اللي ف التصويرة.

الطرفين, اللي كياخدوا السلفيات واللي لا, لقاو باللي كيبانوا أكثر جاذبية وإثارة للاعجاب ف تصاورهم, مقارنة مع تقييم الاجانب. على أي, الناس اللي كياخدوا السلفيات بزاف بالغوا ف تقييم جاذبيتهم, ومالوا لاعتبار انهم بانوا حسن ف السلفيات مقارنة مع التصاور اللي صورهم طرف تاني.

الناس اللي كياخدوا السلفيات بزاف بانوا أكثر أنانية للناس الاجانب اللي عطاو تقييمهم, مقارنة مع اللي ما عندهمش مع السلفيات.

“صحاب السلفيات بصفة عامة بالغوا ف تقييم الصفات الايجابية اللي كتبان ف السلفيات” كيقولوا الباحثين المشرفين على الدراسة.

“لقينا باللي صحاب السلفيات كيأمنوا باللي سلفياتهم كتبينهم أكثر جاذبية وإثارة للإعجاب مقارنة بالتصاور اللي خداها لهم طرف تاني”

“ف الحقيقة, المقييمين الاجانب جاتهم السلفيات أقل جاذبية وإثارة للاعجاب مقارنة بالتصاور العادية لنفس الاشخاص.” كيضيفوا نفس الباحثين.

“هاد الانحياز ما كانش عند الناس اللي ما كياخدوش سلفيات بزاف”

الدراسة أشرف عليها Daniel Re من جامعة طورونطو قسم علم النفس, وتم نشرها ف الجورنال العلمي Social Psychological and Personality Science.

خلي صوتك

3 نقطة
Upvote Downvote

Total votes: 3

Upvotes: 3

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: صاينص، بيتش! 🔬

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…