علاش سراول الدجينز فيهم جيب صغير؟

نو, ما تداروش للصرف!


في حالة ما كنتي إنسان كيلبس سراول الدجينز (بحال أغلب البشر), غادي تكون ف نقطة ما من حياتك تسائلتي علاش كاين داك الاختراع الرائع, الجيب الصغيور.

غالبا غادي تكون لقيتي, من بعد تفكير عميق, الجواب هو باش نديرو فيه الصرف. أو القطع النقدية المعدنية, سواءا كانت درهم ولا دولار ولا أورو.

هاد الجواب مع الاسف ماشي هو علاش كاين داك الجيب الصغيور. ماشي علاش تخترع, ووي, your life was a lie.

باش نعرفوا الجواب خاصنا نعرفو فين بان الدجينز أصلا.

سراول الدجينز بانوا ف أمريكا ف القرن 19 كلباس ديال الكووبويز، اللي كانوا كيحتاجوا سراول اللي ما يتقطعوش بالزربة لطبيعة حياتهم وخدمتهم اللي فيها التكرفيص.

المهتمين بتاريخ الدجينز كيظنوا باللي الاسم راجع لمدينة Genoa الايطالية منين دخل التوب اللي كيتسعمل ف الدجينز للميريكان. واللي الميريكان أول مرة عرفوه (بطريقة غير مباشرة) من خلال مواطن سويسري كيهضر بالفرونسي. لذلك الاسم تخدا من النطق الفرنسي ماشي الانجليزي.

الدجينز ف الميريكان تشهر من خلال Levi Strauss, اللي هو أول واحد يستثمر ف هاد التوب ويصنع منو سراول. واللي مازال ماركتو ليومنا هذا تحت إسم Levi’s.

وباش نرجعو للجيب الصغير. حسب الـ Blog ديال شركة Levi’s الجيب الصغير تدار لأول مرة باش الكووبويز يخبيو فيه الساعة. داك الساعة اللي كانت كتتهز ف اليد قبل اختراع الساعات اليدوية.

The first blue jeans had four pockets—only one in back and, in the front, two plus the small, watch pocket.

مع انقراض الساعات القديمة, الجيب الصغير ما نقرضش, بل تطور استعمالو وولى للصرف ولا البريكة وحوايج بزاف حسب مناطق العالم.

So THAT’S Why There’s A Tiny Pocket In Your Jeans

خلي صوتك

6 نقطة
Upvote Downvote

Total votes: 6

Upvotes: 6

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: واضفاك؟

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…