Vlogger مغربي ضرب يدو قدام الكاميرا بآلة حادة!

والسبب مشاكل عائلية :(


يبدو أن عجائب الصوشل ميديا ف المغرب ما غاديش تسالي. من بعد مدعي النبوة ف الفيسبوك, Vlogger  مغربي آخر دخل على الخط.

الأمر كيتعلق هاد المرة بفيديو من نص ساعة ديال شاب طنجاوي حارك ف ألمانيا, كيبان فيه بجروح دامية على يدو اليمين.

الجروج كتبان حقيقية. بالاضافة لجروح أخرى على اليد اليسرى قديمة, وجرح ف البطن كيقول أنه نتيجة إعتداء سابق عليه.

الشاب اللي إسمو بلال عقاد, وإسم قناتوعلى اليوتوب Wiz Taiba, كيفلوكي من مدة وعندو 90 فيديو ف قناتو.

السبب اللي خلاه يجرح يدو بآلة حادة هو المشاكل الاسرية –حسب ما جا ف الفيديو– اللي عندو مع ختو ف المغرب.

ختو قال باللي ما كتعاملش مزيان مع الام ديالو, واللي عاملة بسيطة ف معمل خاص بتصبير السمك ومريضة وكتعاني من مشاكل مادية.

 بلال عايش ف ألمانيا بدون أوراق رسمية, من بعد ما مشا لها من سبانيا حارك, فين كان عاش مع ختو مدة, واللي جرات عليه من بعد.

الفيديو فيه 30 دقيقة, وتلاح نهار 1 أبريل ووصل ل 76 ألف مشاهدة.

التعليقات, خصوصا من عند متابعيه القدام, كلها جدية وكتبيّن باللي الحالة حقيقية والسيد فعلا كيعاني من مشاكل نفسية.

ف نيووز. ما قدرناش نتأكدو 100% من صحة الجروح ولا هدف الفيديو, هل هو فعلا فيديو عفوي ولالا, لكن كيبقا حالة جديرة بالاكتشاف, ولما لا التضامن في حالة ما تأكدتي أن السيد الحالة حقيقية.

بلال دار رابط ديال الـ PayPal ف ديسكربشن الفيديو للناس اللي بغاو يعاونوه ماديا.

هذا الفيديو, ولا ينصح بيه للقاصرين, كيتظمن دم وكلام نابي.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: واضفاك؟

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…