هاد الـ 5 رموز المشهورة 99% ما عندك حتا فكرة على معناها وأصلها

وف هاد اللحظة ممكن تشوفها حداك


ادا كنتي عايش ف القرن الواحد والعشرين بحالنا, غالبا غادي تكون شايف وعارف هاد الـ 5 رموز الـ مشهورة.

هاد الرموز كنشوفوها ف حياتنا اليومية بشكل يومي, حتا ولات جزء لا يستاهل اننا نفكرو ف معناها.

ف Neooz.جمعنا لكم 5 من هاد الرموز وغادي نشرحولكم معناها وأصلها باختصار.

1. الـ Ampersand (“&”)

هاد الرمز كيتستعمل ك”و” العربية. واو العطف, فلان و علان. غادي تشوفو ف مطبوعات بزاف. وولى كيتستعمل حتا ف الدارجة.

هاد الرمز إسمو  Ampersand بالانجليزية. أول مرة ظهر كان ف عهد الامبراطورية الرومانية, تحديدا من طرف تيرو, سكرتير الفيسلسوف والسياسي الروماني سيسيرو.

الهدف منو كان هو تسريع الكتابة. الرمز هو اختصار ل et اللاتينية (اللي عندها نفس معنى الفرنسية). بدل ما يكتب e و t كان كيجمعهم ف حرف واحد.

الرمز انتشر وتطور حتا وصل لعندنا ب هاد الشكل.

2. رمز البلوثوت

البلوتوث, حرفيا كيعني السنة الزرقا, وهذاك علاش لونو زرق.

علاش تسما هكا وعلاش بالضبط السنة الزرقا وماشي اللسان الوردي؟

خاصنا نرجعو للدنمارك ف القرن 9 ميلادي. كان عندهم ملك –Harald Blåtand — مكنيين عليه السنّة الزرقا.

كانت فعلا عندو سنة زرقا حيت كان عزيز عليه التوت البري (وينك وينك) بزاف. هاد الملك كان وحّد قبائل الدنمارك, تماما بحال تقنية البلوتوث اللي كتوحد الاجهزة المحتلفة لاسلكيا. ومن هنا جا الاسم.

علاش داك الرمز؟ داك الرمز كيتكون من 2 حروف من الابجدية الاسكندنافية القديمة. حرف H و B, اختصار اسم الملك الفوق.

 3. رمز ON/OFF

قلب ف سماتفونك ولا الـ PC ديالك دابا غادي تلقا هاد الرمز. لكن غالبا عمرك تسائلتي شنو معناه.

الرمز باختصار هو جمع ديال 1 و 0 ف رمز واحد.

الزيروات والواحدات هوما اللغة اللي كيفهم الكمبيوتر (أو أي جهاز إلكتروني). 1 كتمتل مشعول, الضو دايز. و0 كتمتل كطفي, أي الضو ما دايزش.

4. رمز السلام

© ljplus

رمز السلام من أكثر الرموز المشهورة اللي أغلب اللي هازينا ما عارفينش معناها.

الرمز بدا عام 1958 خلال المظاهرات ضد التسلح النووي. الرمز هو جمع بين حرفي N و D  (اللي كيشيروا ل Nuclear Disarmament) باشارات سيمافور, المستخدمة ف البحرية.

5. رمز الفارماسيان

رمز الفارماسيان أو الطب, مختلفين شوية, ولكن كلهم كيتشاركوا ف حية وعصا, وكاس.

غالبا غادي تشوفهم مرسومين ف أي فرماسيان أو ورقة دوا. لكن ما نظنش عمرك تسائلت منين جاو ولا علاش.

الشعار كيرجع للميثولوجيا الاغريقية القديمة. العصا كترمز لعصا أسكليبوس اله التطبيب. الكاس ل Hygeia الهة النظافة, والحية, حسب بعض الاراء, كترمز للولادة من جديد والشفاء, كيفما كتغير الحية جلدها.

ملي كتجمع هاد التلاتة كيرمزوا للطب والدوا والتشافي.

لكن المثير ف الامر هو أن هاد الرمز نتشر عن طريق الخطأ.

الدكاترة ف الجيش الامريكي ف القرن تسعطاش كانوا كيعلطوا ف عصا هرمس — اللي كانت كترمز للطب ف أمريكا الشمالية ومشابعهة للرمز الحالي — وكانوا كيرسموه بالشكل اللي كنعرفوا دابا.

الخطأ تكرر وتكرر حتا تنسا الرمز الاصلي وولى هذا هو المنتشر.

خلي صوتك

2 نقط
Upvote Downvote

Total votes: 2

Upvotes: 2

Upvotes percentage: 100.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات


المزيد ف: ليستة 📋

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…