رسميا المغاربة ممنوعين من حمل الحواسيب والطابلت لأمريكا

ولكن ما تخافش, كاين الحل باش ما تضيعش بياناتك


Royal Air Maroc

وزارة الامن الداخلي للولايات المتحدة الأمريكية (إختصاراDHS) أعلنت البارح عن تشديدات أمنية جديدة تشمل 8 دول ذات غالبية مسلمة, من بينها المغرب.

لحسن الحظ المنع لا يشمل المواطنين, وإنما فقط حمل الاجهزة الالكترونية اللي كبر من السمارتفون على الطيارة.

تحديدا الحواسيب المحمولة والـ Tablets وأجهزة الديفيدي, والكاميرات, وأجهزة الالعاب الالكترونية.

المنع غادي يبدا هاد الصيمانة على الرحلات المتوجهة من 10 مطارات شملها المنع.

الوزارة ما عطات حتا تفسير لهاد القرار, وهل عندو علاقة بالارهاب أم لا. حسب ما ذكرت وسائل إعلام عالمية.

المنع غادي يقيس 8 دول ذات أغلبية مسلمة, من بينها المغرب, بالاظافة للأردن, قطر, الكويت, الامرات, السعودية, وأخيرا تركيا.

أما لائحة شركات الطيران فكتتظمن الخطوط الملكية المغربية, الخطوط الأردنية والمصرية, الخطوط السعودية والكويتية, بالاظافة للشركات الرائدة عالميا كالامارات, قطر ايروايز, والاتحاد.

مطار محمد الخامس بالدار البيضاء من ظمن المطارات المشمولة بالقرار

أما بخصوص المطارات, فمطار محمد الخامس بالدار البيضاء من ظمن المطارات المشمولة بالقرار.

المغاربة اللي مسافرين لأمريكا من المغرب على متن الخطوط الملكية المغربية غادي يضطروا يتخلاو على على حواسبهم وأجهزتهم الالكترونية باستثناء السمارتفون, وإلا فعليهم السفر من أوروبا على متن خطوط أوروبية.

المنع ما كيشملش المواطنين لجنسيتهم.

فقط الرحلات المتوجهة من البلاد المذكورة الفوق, وعلى متن شركات طيران محددة.

كمغربي تقدر تسافر من أوروبا لأمريكا بجميع أجهزتك الالكترونية.

المغاربة اللي ما يمكنش لهم يسافروا من أوروبا، عندهم حل وحيد متبقي باش ما يخسروش بياناتهم وملفاتهم المهمة.

Top 10 best cloud storage services of 2017

خدمات الـ Cloud كتبقا الحل المثالي للمغاربة، ولجميع المسافرين اللي قاسهم المنع. شركات بزاف كتقدم اختيارات على حسب جيبك وحاجتك, تقدر تفتح بياناتك من بعد ما توصل لأمريكا من أي حاسوب آخر. هذي لائحة مختصرة بأهمها:

Google Drive

كووكل درايف كلنا عارفينو. كيقدم 15 جيكا ديال البيانات مجانا.

تقدر ترفع جميع تصاورك وبياناتك لسرفر كووكل وتفتحها ف أي بلاصة ف العالم ومن أي جهاز بلا مشكل. كل ما غادي تحتاج هو إيميل Gmail. ماشي مهم واش خدام ب Windows، iOS, Android ولا حتا Liux.

في حالة ما 15 جيكا غير كافية لبياناتك، تقدر ترفع حجم المساحة المقدمة ل 1 تيرابايت فقط ب100 درهم للشهر.

Dropbox

HowItWorks_Dropbox

Dropbox هو المنافس الاول ديال Google Drive. كيمكنك من رفع أي حاجة لحسابك (تقدر تتسجل بالجي مايل ديالك ولا تدير كونط عندهم) وتفتحها ف أي بلاصة ومن أي جهاز.

الخدمة جد آمنة ومظمونة. Dropbox للأسف كيعطي فقط 2 جيكا ف البدية, غير كافية للملقات الكبيرة.

لكن تقدر ترفع المساحة المقدمة حتا ل 16 جيكا عن طريق استدعاء أصدقائك لتحميل الـ App ديالهم.

لكن الخدمة الـPremium ديالهم موجودة. تقدر ترفع المساحة لـ 2 تيرابايت فقط ب 125 درهم للشهر.

طبعا كاين خدمات آخرى, لكن كيبقاو هاد ال2 هوما الاكثر آمنا وإحترافية في خدمتهم. وهوما اللي كنصحو بيهم.

تحديث: المسافرين ممنوعين فقط من حمل الحواسب للطيارة. يمكن لهم يديروهم من الامتعة وما غيتمش منعهم.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات

المزيد ف: بوليتيك

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…