إنجليزي دا يا عثماني؟ فيديو لرئيس الحكومة المغربية كيهضر بإنجليزية ركيكة

and it's very sad!


Secretary_Clinton_Meets_With_Foreign_Minister_Al-Othmani_of_Morocco_(6985948259)

الأسبوع اللي فات الملك عيّن سعد الدين العثماني باش يشكل الحكومة المغربية خلفا لبنكيران. سعد الدين العثماني هو رئيس الحكومة المغربية دابا.

فيديو جديد من دقيقة ونص ظهر ف الفيسبوك مؤخرا كيبيّن رئيس حكومتنا الجديد كيهضر بلغة إنجليزية ركيكة.

الفيديو يبدو أنه مصور بالسمارتفون ف شي تظاهرة سياسية حول سوريا. العثماني واقف قدام زربية كبيرة مزركشة وكيهضر لكاميرات وسائل الإعلام –اللي غالبا أجنبية– حول الوضع السياسي ف سوريا.

العثماني بدا هضرتو بابتسامة كتبين الحرج على وجهو. ووجه هضرتو للرئيس السوري بشار الأسد باش يوقف الحرب.

كمل ف نفس الموضوع, ومرة مرة كان كيوحل ف الكلمات وكيبدا يحرك يدو.

اللي أثار سخرية مستعملي الفيسبوك هو ركاكة اللكنة ديال العثماني, اللي متأثرة بزاف بالفرنسية, بالاظافة لتصريف خاطئ لعدة أفعال. الشي اللي كيبين أن رئيس الحكومة غير متمكن من اللغة الانجليزية, وكان عليه يستاعن بمترجم باش يتجنب الحرج ويوصل فكرتو أحسن.

تاريخ الفيديو غير معروف بالضبط, لكنه على ما يبدو قبل تعيينو كرئيس للحكومة. هل كان داك الفترة وزير للخارجية أم لا؟ الامر غير معروف. لكن في كلا الحالتين الموقف لا يحسد عليه.

باش نكونو منصفين, السياسيين عالميا معروف عليهم هاد المواقف اللغوية المحرجة. اللي كتبقا أهمها موقف الرئيس المصري السابق محمد مرسي اللي رون اللغة الانجليزية. سياسيين أوروبيين كذلك طاحوا ف هاد المواقف مرارا وتكرار.

لكن هذا ما كيعنيش أنه ما كاينش سياسيين ف العالم اللي كيتقنوا عدة لغات أجنبية بطلاقة.

لكن هذا ما كيعنيش أنه ما كاينش سياسيين ف العالم اللي كيتقنوا عدة لغات أجنبية بطلاقة.

من أبرز هاد السياسيين نائب رئيس وزراء بريطانيا السابق Nick Clegg. اللي ورغم أنه بريطاني ولغتو مستعملة ف العالم كلو، كيهضر الاسبانية والهولندية بطلاقة ما تخليكش تتخيل أنه بريطاني, والفيديوات التحت كتبين بدقة:

ف حوار مع القناة الاسبانية الأولى

وهنا ف حوار مع قناة هولندية

من هاد الشي, ما يمكن لنا إلا نتسائلو, إمتا غادي يكونوا عندنا سياسيين كيهضروا لغات أجنبية من غير الفرنسية بطلاقة؟ خصوصا وأننا شعب كيعتمد على السياحة وقضايانا السياسية محتاجة سياسة خارجية قوية.

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات

المزيد ف: بوليتيك

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…